დასავლეთ საქართველოში ძლიერი წვიმაა მოსალოდნელი - ამინდის ვრცელი პროგნოზი
2-3 აგვისტოს დასავლეთ საქართველოში 38 გრადუსი სიცხეა მოსალოდნელი, დღეისთვის კი, ძლიერ წვიმას პროგნოზირებენ.
როგორც "ინტერპრესნიუსს" მონიტორინგისა და პროგნოზირების ცენტრის პიდრომეტეოლოგიური სამსახურის უფროსმა სვეტლანა ნიორაძემ განუცხადა, ივლისის ბოლომდე საქართველოს ტერიტორიაზე შედარებით აგრილდება და ჰაერის ტემპერატურა უმნიშვნელოდ დაიწევს.
ამასთან, სინოპტიკოსები დღეს დასავლეთ საქართველოში ძლიერ წვიმას პროგნოზირებენ.
30-31 ივლისს დასავლეთ საქართველოს ზოგიერთ რაიონში, საღამოსა და ღამის საათებში ასევე მოსალოდნელია წვიმა ელჭექით. 31 ივლისს წვიმაა მოსალოდნელი აღმოსავლეთ საქართველოშიც, მათ შორის თბილისში, თუმცა ჰაერის ტემპერატურა 31 გრადუსი იქნება. ამასთან, ხვალ თბილისში 32 გრადუსია ნავარაუდევი.
ნიორაძის განმარტებით, 1-დან 5 აგვისტომდე საქართველოში კვლავ მაღალი ტემპერატურა დაფიქსირდება. კერძოდ, დასავლეთ საქართველოში 2-3 აგვისტოს 38 გრადუსია მოსალოდნელი, აღმოსავლეთ საქართველოში - 36 გრადუსი. 5-6 აგვისტოს კი დასავლეთ საქართვეწლოში იწვიმებს, 7 აგვისტოს შემდეგ კი კვლავ გამოიდარებს.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
