შემზარავი სტატისტიკა - საქართველოში ყოველწლიურად 40 ათასამდე აბორტი კეთდება

საქართველოში ყოველწლიურად ადმინისტრაციული სტატისტიკით 40 ათასამდე აბორტი ფიქსირდება, - ამის შესახებ ჯანდაცვის მინისტრის მოადგილემ მარიამ ჯაშმა განაცხადა.

როგორც პარლამენტში სიტყვით გამოსვლისას მინისტრის მოადგილემ აღნიშნა, მათ შორის 33 ათასზე მეტი ხელოვნურად შეწყვეტილი ორსულობაა.

მარიამ ჯაშის შეფასებით, ეს ნამდვილად საგანგაშო ციფრია.

მისი თქმით, მიუხედავად იმისა, რომ ბოლო 10 წლის მანძილზე მნიშვნელოვნად შემცირდა ზოგადად აბორტების რაოდენობა, საქართველოში თანამედროვე ჩასახვის საწინააღმდეგო და უსაფრთხო მეთოდებს სამწუხაროდ ოჯახების მხოლოდ 52% მოიხმარს.