"მადლობა, პუტინ, რომ მომიკალით ერთადერთი გოგონა" - სულისშემძვრელი წერილი ვლადიმერ პუტინს
მალაიზიური "ბოინგ 777"-ის ტრაგედიიდან რამდენიმე დღე გავიდა. ამ შემთხვევამ მსოფლიო ყურადღება მიიპყრო, თუმცა კონკრეტული დამნაშავეები ოფიციალურად გამოვლენილი არ არიან. გუშინ, ერთ-ერთი გარდაცვლილის, 17 წლის გოგონას, ელენ ელსიმიკის მამამ სოციალურ ქსელში ღია წერილი გაავრცელა, რომლითაც რუსეთის პრეზიდენტს ვლადიმერ პუტინს მიმართავს.
"დიდი მადლობა თქვენ, ვლადიმერ პუტინ, სეპარატისტების ლიდერებო და უკრაინის მთავრობავ, ჩემი საყვარელი და ერთადერთი გოგონას, ელსემიკის მოკვლისთვის.
ის 17 წლის იყო და სურდა, არქიტექტორი გამხდარიყო. ჯენტლმენებო, იმედი მაქვს, ამაყობთ, რომ მოკალით ახალგაზრდა სიცოცხლე და რომ ხვალ კვლავ შეძლებთ სარკეში ჩახედვას. ვიმედოვნებ, რომ ეს გზავნილი თქვენამდე მოვა და როგორც ინტელექტუალი ადამიანები, შეძლებთ მის ინგლისურად წაკითხვას. კიდევ ერთხელ დიდი მადლობა. საუკეთესო სურვილებით, ელსემიკ ჰანს დე ბორსტის მამა, რომლის სიცოცხლეც განადგურდა", - წერს დე ბორსტი.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
