28
მაისიდღის ზოგადი ასტროლოგიური პროგნოზი
დიასპორის საკითხებში სახელმწიფო მინისტრის პოსტზე წარდგენილი გელა დუმბაძე, ამ დრომდე ამავე სამინისტროში მინისტრის მოადგილის პოსტს იკავებდა. მისი ქონებრივი დეკლარაცია 2014 წლის 9 ივნისს არის შევსებული.
დეკლარაციის მიხედვით, გელა დუმბაძე ფლობს 90.0 კვ.მ ფართობის ბინას თბილისში, ძოწენიძის ქ. #14-ში. თბილისში, ხოლო მუხათწყაროში 600.0 კვ.მ ფართობის მიწის ნაკვეთის 50%იანი წილის მფლობელია. ასევე, ჩოხატაურის რაიონის სოფელ ზენობანში, 150 კვ.მ ფართობის აგარაკის 33%-იან წილს ფლობს.
მეუღლე, ირინა სულთანიშვილი ფლობს 33%-იან წილს, 100.0 კვ.მ ფართობის ბინაში, თბილისში, ალ. ყაზბეგის 41-ში. ამავე მისამართზე, ირინა სულთანიშვილი ფლობს 78 კვ.მ-ის ფართობის სხვენს.
გელა დუმბაძე 100%-იანი წილის მფლობელია პირადი ფერწერული ტილოების - "მიყვარს ვაშლი", "მსხლები", "მისტიური ფანჯრები" (ტრიპტიქი), "სამბა", "გემის გასეირნება", "უცნობი ევა", "წითელი პარასკევი", "მეტალურგიული ქარხნის დამლაგებლები", "მოსამართლე", თუმცა, ნამუშევრების ღირებულება დეკლარაციაში აღნიშნული არ არის.
