მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბაჩო ახალაიას ბრალდების მთავარი მოწმე საზღვარზე გააპარეს"
08:36 / 22-07-2014
ნავთლუღის სპეცოპერაციის საქმეზე, გირგვლიანის ეპიზოდზე ბაჩო ახალაიას ბრალდების მთავარი მოწმე საზღვარზე გააპარეს. ამის შესახებ საქალაქო სასამართლოში დღეს სასამართლო პროცესის დასრულების შემდეგ ბაჩო ახალაიას ადვოკატმა მალხაზ ველიჯანაშვილმა განაცხადა.
მისი თქმით, დაცვის მხარეს დიდი ხნის წინ ჰქონდა ინფორმაცია იმის შესახებ, რომ ტაბაღუას პროკურორები არ მოიყვანდნენ, რადგან მან გამოძიებას ჩვენება პროკურორების ზეწოლის შედეგად მისცა, სასამართლოში კი, სასულიერო პირია და ტყუილს ვერ იტყოდა.
"ბაჩო ახალაიამ შესავალ სიტყვაში თქვა და სწორედ ეს სტრატეგია ჩვენთვის ცნობილი იყო. მოლაპარაკებული იყო ბრალდებასთან, რომ პროცესიდან რამდენიმე დღით ადრე საზღვარზე გადაეყვანათ და მისი წერილობით მიცემული ჩვენების გამოქვეყნება მოეთხოვა სასამართლოში. ასეც მოხდა. ივლისის თვეში ტაბაღუა საზღვარზე გადააპარეს და ბრალდების მხარემ სასამართლოში დააყენა შუამდგომლობა მისი ჩვენების წერილობით გამოქვეყნებაზე. ჩვენ გვაქვს მისივე მიცემული ჩვენებები, რომელიც საპირისპიროს მეტყველებს და ეს ჩვენებები ასახული გვაქვს ვიდეოზე. ამ ჩვენებების მიხედვით, არანაირი წესი არ არის იმისა, რომ ვინმემ მასზე ზეწოლა განახორციელა. იგი უარყოფს რაიმე დანაშაულს, რომელზეც ბრალდება საუბრობს. სასამართლო ვერც ერთ ჩვენებას ვერ გაითვალისწინებს, იმიტომ, რომ საეჭვო გარემოებები არსებობს და ასევე არსებობს ყველანაირი საფუძველი იმისა, რომ ნავთლუღის სპეცოპერაციის საქმეზე აღნიშნულ ეპიზოდში ბაჩო ახალაია გამართლდება", - განაცხადა მალხაზ ველიჯანაშვილმა.
მისი თქმით, მომდევნო პროცესზე, რომელიც 24 ივლისს არის ჩანიშნული, დაცვის მხარე წარადგენს მტკიცებულებებს და დაკითხავს მოწმეებს, რომლებიც დაადასტურებენ, რომ პროკურორები მოწმეებზე გამოძიების განმავლობაში ზეწოლას ახდენდნენ.
ტაბაღუას ნაწილში ადვოკატის განცხადებას პროცესის დასრულების შემდეგ პროკურორმა ჯარჯი წიკლაურმა უპასუხა. მისი განცხადებით, კანონის თანახმად, გამოძიების ეტაპზე დაკითხული მოწმე თუ გარდაცვლილია, ან არ იმყოფება ქვეყანაში, გამოქვეყნდება მისი ჩვენება.
"ეს არის სამართლებრივი პროცედურა, რომელიც ბრალდების მხარემ გამოიყენა. ერთი მოწმე, შალვა თათუხაშვილი არის გარდაცვლილი და მისი ჩვენება გამოქვეყნდა, მეორე მოწმე ტაბაღუა არ იმყოფება ქვეყანაში და აქედან გამომდინარე, მისი ჩვენება გამოქვეყნდა სასამართლოზე. ეს არის ჩვეულებრივი სამართლებრივი პროცედურა", - განაცხადა ჯარჯი წიკლაურმა.
დღევანდელი სასამართლო პროცესი ბაჩო ახალაიამ პროტესტის ნიშნად დატოვა, ამასთან, პროკურორმა განაცხადა, რომ საქმის მთავარი მოწმე თეიმურაზ ტაბაღუა, რომელიც ავჭალის N10-ე სასჯელაღსრულების დაწესებულების ყოფილი დირექტორია, საქართველოში არ იმყოფება და შესაბამისად, მისი დაკითხვა ვერ მოხერხდება.
გააკეთეთ კომენტარი
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
