რატომ დადის ქეთი ხიტირი ზამთარში ''ბალეტკებით''

გემომეტრის სტუმრები ქეთი ხიტირი და ლევან მასპინძელაშვილი ფავორიტი სამოსის მაღაზიებისა და სილამაზის სალონების შესახებ ისაუბრებენ.

ქეთი ხიტირი:

- ძალიან მიყვარს ინდური წარმოების და ზოგადად, აზიური ტანსაცმელი, თუმცა თბილისში ბევრი ასეთი მაღაზია არ არის, ამ მხრივ განებივრებული არ ვარ, ამიტომ უფრო საზღვარგარეთ ვყიდულობ. ჩვენი მაღაზიებიდან ძალიან მიყვარს GAP, ''ზარა'', H&M მომწონს, მაგრამ სამწუხაროა, რომ ჩვენთან მაღაზია არ აქვს, თუმცა თუ სადმე წავაწყდი, აუცილებლად ვყიდულობ.

ხშირ შემთხვევაში ჩემი და მიკერავს, რაც მომწონს. ჩვენი გემოვნება ემთხვევა და როცა განსაკუთრებული რამ მჭირდება, ეკას მივმართავ. ძირითადად, აქსესუარებზე მუშაობს და შეიძლება ითქვას, რომ სამკაულს არასდროს ვყიდულობ, მამარაგებს.

- ფეხსაცმლის მაღაზიებზე რას გვეტყვი?

- ფეხსაცმელს ძალიან რთულად ვარჩევ, თუ არ მომეწონა და ვერ ავარჩიე, შეიძლება, საერთოდ ფეხსაცმლის გარეშე დავრჩე, ან ახლის შეძენამდე ძველი გამოვიყენო. შეკერვასაც ვერ დავუდე გული, ამის გამო ხანდახან ზამთარში ''ბალეტკებით'' დავდივარ. მიყვარს კარგი ფეხსაცმელი და მაქვს კიდეც, მაგრამ მართლა თუ არ მომეწონა, არ ვიყიდი.

- ქეთი, რომელ სილამაზის სალონში დადიხარ?

- უკვე დიდი ხანია დავდივარ სილამაზის სალონ ''ჰაირ''-ში და მყავს უსაყვარლესი სტილისტი ქეთი, რომელიც ზრუნავს ჩემს ვარცხნილობაზე, თმის ფერზე, ფრჩხილებზე, მანიკიურზე და ა.შ. ვურჩევ ყველას, მივიდნენ და ნახონ, როგორი პროფესიონალები მუშაობენ იქ, განსაკუთრებით ჩემი ქეთი, რომელიც გადასარევი გოგოა.

ლევან მასპინძელაშვილი ფეხსაცმელს საქართველოში არ ყიდულობს

- სამოსს ძირითადად ვიწერ, მაგრამ თუ აქ ყიდვა მინდა, მაშინ მივდივარ მაღაზია ''ტოპმენში'', სადაც ვიცი, ჩემთვის სასურველ ნივთს ვიპოვი. თუ რაღაც საჩემოა, მაშინვე ვამჩნევ და ყიდვის პროცესი დიდხანს არ გრძელდება.

იხილეთ სრულად