მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აგვისტოს ომში მოკლული გიორგი ანწუხელიძის დედა დახმარებას ითხოვს
07:32 / 15-07-2014
2008 წელს, რუსეთ-საქართველოს ომში გარდაცვლილი 23 წლის გიორგი ანწუხელიძის დედა ლილი ანწუხელიძე ადგილობრივ ხელისუფლებას დახმარებას 2 თვეა უშედეგოდ სთხოვს. ახმეტის რაიონის სოფელ ქვემო ალვანში მდებარე სახლი, სადაც გიორგი ანწუხელიძის დედა და მამიდა ცხოვრობენ, სტიქიამ დააზიანა. სახლი ისედაც ავარიული იყო, სტიქიის შემდეგ კი სახურავიდან წყალი ჩადის.
"დიდი წვიმა და ქარი იყო, სახურავიც გადაგვიხადა და ფანერებიც ჩამოყარა. ზვიადაურს გავაგებინე და ასე მითხრა, არჩევნების შემდეგ აუცილებლად მოგხედავთო. არ ვიცი ეხლა მომხედავენ თუ არა და მეშინია შვილო, წვიმები რომ იყოს სახლის ჭერი სულ ჩამოვა დაბლა. წუხელ ღამე რომ წვიმა ჩამოვიდა, დღეს დილას გადავღვარე და ეხლა ისევ დავდგი, თუ გააგრძელებს, ალბათ პირველ სართულზეც ჩამოვა წყალი. არავის არ მოუქცევია ყურადღება ამ ძველ სახლზე. მინდა ცოტა სახურავი შეაკეთონ, რომ ისევ აქ გვეცხოვრა მე და ჩემს მულს, სხვაგან წასასვლელი არ გვაქვს, გიორგის დასამარხები ვიყავით ორივე. სააკაშვილმა რომ სახლი აუშენა გიორგის, 2 პატარა ოთახია, ჩემი რძალი და ბავშვები რომ მოვლენ, ჩვენი დასარჩენი ადგილი არ იქნება", - განუცხადა კახეთის საინფორმაციო ცენტრს ლილი ანწუხელიძემ.
სახლი, რომელშიც ლილი და ეთერ ანწუხელიძეები ცხოვრობენ, გიორგის მამიდას, ეთერ ანწუხელიძეს ეკუთვნის. გიორგის მშობლებს სახლი წლების წინ დაეწვათ. ლილი ანწუხელიძის თქმით, გიორგის უნდოდა, რომ საძირკველი ჩაეყარა და დამწვარი სახლის ადგილას ახალი აეშენებინა.
"გიორგი ჯარში ამისთვის წავიდა, რომ ეს სახლები გაეკეთებინა. როცა პატარა იყო, მაშინ დაგვენგრა სახლი. მაგის ოცნება იყო, რომ მამიდას სახლიც გაერემონტებინა და თავისიც აეშენებინა. მითხრა, შენ საბერძნეთში წადი, მე ერაყში წავალ, ზოგი შენ, ზოგი მე და ორივე სახლს გავაკეთებთო, მაგის ოცნება ეგ იყო, მაგრამ ვეღარ დაბრუნდა შვილო", - აღნიშნა გიორგი ანწუხელიძის დედამ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
