22
ივლისიდღის ზოგადი ასტროლოგიური პროგნოზი
ალექს შტორმი 25 წლის თბილისელი ბიჭია, ბიჭისთვის ცოტა უცნაური საქმით, ნატურიზმით არის გატაცებული. ალექსი "ამბები.გე"-ს თავად დაუკავშირდა და გადაწყვიტა, მისი ისტორია მკითხველისთვის მოეთხრო.
- 25 წლის თბილისელი ბიჭი ვარ, ვაკეში ვცხოვრობ, პროფესიით სოციოლოგი ვარ, ახლა არსად არ ვმუშაობ. დაკავებული ვარ ნატურიზმით, საქართველოში კარგად არ იციან, რა არის ნატურიზმი, მისი ფესვები ანტიკურ ხანაში იკარგება.
- რატომ დაინტერესდი ამ საქმით?
- გარე ფაქტორების გამო არ დავინტერესებულვარ ამ საქმით, 13-14 წლის ასაკიდან მიზიდავდა, მერე გავეცანი ნატურისტების ცხოვრებას და გადავწყვიტე, მეც მათ გზას გავყოლოდი. ნატურიზმი იმით არის კარგი, რომ ის ნებისმიერი ზომის, წონის, ფორმის და აღმსარებლობის ადამიანს შეუძლია გახდეს. ათეისტიც და თეისტიც. მე პირადად თეისტი ვარ, ვინმე თუ მეტყვის, რომ შიშველი ბანაობა გარყვნილებაა, დამიმტკიცონ.
- რა განსხვავებაა ნატურისტსა და ნუდისტს შორის?
- ნუდისტი შეიძლება იყოს ნებისმიერი ადამიანი, რომელიც გავა სანაპიროზე და გაიხდის, მანიაკიც შეიძლება იყოს ნუდისტი. ნატურისტი კი ჯანსაღ ცხოვრებას ქადაგებს. ძირითადად, ვეგეტარიენელები არიან და ცდილობენ ჯანსაღი ცხოვრება დაამკვიდრონ საზოგადოებაში, მე არც ვეწევი, არც ვსვამ, ჯანსაღად ვიკვებები და ა.შ.
- ამის გარდა რას აკეთებ?
- იმის გარდა, რომ ჯანსაღად ვიკვებები, შიშვლად ვბანაობ ლისის ტბაზე. მიყვარს ხელოვნება, სამხატვრო აკადემიის სტუდენტებს ვეხმარები და შიშველს მხატავენ. სამწუხაროდ, ლისის ტბაზე არ არის ისეთი ადგილი, რომ შენთვის მყუდროდ იბანავო, ამიტომ შორს გავდივარ წყალში, ხალხმა რომ არ დამინახოს. არ ვიცი, ვინმეს შევუმჩნევივარ თუ არა შიშველი წყალში. უკვე 3-4 წელია ასე ვცურავ ლისის ტბაზე და ჩემთვის ვხალისობ.
- ზღვაშიც შიშველი ბანაობ?
- არ მიყვარს ზღვა, რადგან, ნესტია, ხმაურია და სიცხე. საქართველოში ბევრი ადამიანი არ არის დაინტერესებული ამ საქმით, ერთ ნამდვილ ნატურისტს ვიცნობ, რომელიც ჩემზე დიდია, 40 წლის არის. სხვა ადამიანებს რაც შეეხება, საქართველოში არ უყვართ ჯანსაღი ცხოვრების წესით ცხოვრება და არც არიან დაინტერესებული ნატურიზმით.
- ლისზე შიშველი ბანაობაა ჯანსაღი ცხოვრება?
- არა მხოლოდ ეს.
- სამხატვრო აკადემიაში სტუდენტები როცა გხატავენ, ანაზღაურება გაქვს?
- არის ანაზღაურება, მაგრამ ისეთი მცირეა, არც ღირს ამ თანხის აღება. მგონი 2 ლარს იხდიან ერთ ნახატში. მე ფული საერთოდ არ მაინტერესებს. ვერც იმას ვხვდები, ტელევიზორში, რომ გამოდიან შიშვლები, ფულის გამო ამას რატომ აკეთებენ. ნატურში სულ სხვა მიზნით შიშვლდებიან, ეს ხელოვნებაა.
- გინდა თქვა რომ შენი სიშიშვლე ხელოვნებაა და ვინც ტელევიზიით შიშვლდება, იმის არა?
- არა მგონია ეს ხელოვნება იყოს. იქ ძირითადად ფული და პოპულარობა აინტერესებთ.
- დღის მანძილზე რამდენი ხანი ზიხარ სტუდენტების წინ შიშველი, რომ დაგხატონ?
- დღეში დაახლოებით 5 ადამიანი მხატავს. დაახლოებით სამი საათი ვზივარ შიშველი და მხატავენ. ნატურალიზმს ნუ გააიგივებთ ეგზიბიციონიზმთან, ნატურისტები ვცდილობთ, საუთარი სიშიშვლე არ იყოს სექსუალური ხასიათის, ისე მივაწოდოთ სხვას. საზღვარგარეთ მცხოვრები ნატურისტები უფრო თავისუფლად გრძნობენ თავს. ხალხიც ლიბერალურად არის განწყობილი. თუნდაც კანონის მხრივ.
- კანონი კრძალავს სიშიშვლეს საქართველოში?
- მე როგორც ვიცი, არის კანონი, რომელიც კრძალავს საზოგადოებაში შიშვლად გამოჩენას. სოლიდური ჯარიმაა, როგორც ვიცი და თუ დამაჯარიმებენ, ვერც გადავიხდი. დავუჯარიმებივარ. საზოგადოებას რაც შეეხება, მათ არ ესმით, ეს რა არის. ჩემი დევიზია - მე ვარ სრული კომფორტი ჩემს კანში.
- ოჯახს რატომ უმალავ ამ ყველაფერს?
- ვერ გაიგებენ ზუსტად ვიცი, როგორც არ უნდა ავუხსნა, ეს რა არის. ამიტომ არ ვეუბნები.
თამარ ბოჭორიშვილი
