4
ივნისიდღის ზოგადი ასტროლოგიური პროგნოზი
გაზეთი "პრაიმ ტაიმი" მომღერალ მარიამ როინიშვილთან ინტერვიუს აქვეყნებს, რომელშიც რესპოდენტი გულახდილად საუბრობს მისი ცხოვრების საინტერესო პერიოდებზე. მომღერალმა ქმართან დაშორებაზეც ისაუბრა და აღნიშნა, რომ ოჯახის შექმნის ნაბიჯი ნაადრევად გადადგა, არც დედობისთვის იყო მზად. ამავე ინტერვიუში ყოფილ მეუღლესთან დღევანდელ ურთიერთობაზეც ისაუბრა. ამონარიდი ინტერვიუდან:
- ახლა რა ურთიერთობა გაქვთ შენ და გიორგის?
- პირადზე არ ვუყვებით ერთმანეთს. ელენე გვყავს და მის გამო ვკონტაქტობთ. მხოლოდ ელენეს გარშემო ვტრიალებთ.
- გიორგი მახარაძე შეყვარებულიაო, დაიწერა. ადევნებ თვალს მის პირადზე დაწერილ სტატიებს?
- არ მაინტერესებს. ჩემი ცხოვრება იმდენად დატვირთულია პრობლემებით თუ სიახლეებით, სხვა რამეებით არ ვინტერესდები. შეიძლება ზოგჯერ საკუთარ ცხოვრებით არ დავინტერესდე, არა თუ გიორგის ცხოვრებით. ზოგჯერ პირადისთვის დრო არ მრჩება.
- როცა ოჯახი დაგენგრა მშობლების რეაქცია როგორი იყო?
- რომელ მშობელს უხარია მის შვილს ოჯახი რომ ენგრევა? არც თამრიკო ყოფილა გამონაკლისი. რჩევები მომცა-მეთქი, ვერ ვიტყვი. ყოველი ნაბიჯის გადადგმის დროს ჩემ გვერდითაა. საოცარი ენერგეტიკის პატრონია. ყოველთვის მაძლიერებს. მნიშვნელოვანი ადგილი უჭირავს ჩემს ცხოვრებაში. განსაცდელის პერიოდში ჩემ გვერდით იდგა. ცდილობდა, რომ მე ეს ყველაფერი გადამეგორებინა. რაც შეეხება მამას, მე არ მინდოდა რომ ეს თემა მასთან განმეხილა. ეს ის თემაა, რომელზეც ყველაზე ახლო მეგობრებთანაც არ მილაპარაკია.
თამარ გონგაძე, გაზეთი "პრაიმტაიმი"
