ჩრდილოეთ კორეაში იციან, რომ მსოფლიოს ჩემპიონატის ფინალში გავიდნენ (+ვიდეო)

ყველამ ვიცით, რომ მსოფლიოს 2014 წლის ჩემპიონატის ფინალური მატჩი, არგენტინისა და გერმანიის ნაკრებებს შორის 13 ივლისს უნდა გაიმართოს, თუმცა ბრაზილიაში მიმდინარე მუნდიალზე სულ სხვა ინფორმაცია აქვთ ჩრდილოეთ კორეაში.

კორეის ტელევიზიას თუ დავუჯერებთ, რომელსაც მთლიანად ხელისუფლება აკონტროლებს, ქვეყნის ეროვნული გუნდი გადამწყვეტ შეხვედრაში პორტუგალიის ნაკრებს დაუპირისპირდება.

ხუმრობა არ გეგონოთ - ჩრდილოკორეულმა სატელევიზიო არხმა მოსახლეობას სრული სერიოზულობით აცნობა, რომ მსოფლიოს ჩემპიონატის ჯგუფურ ეტაპზე მათმა ნაკრებმა, ერთი-მეორის მიყოლებით, იაპონიას (7:0), აშშ-ს (4:0) და ჩინეთს (2:0) უკვე მოუგო.

იხილეთ ვიდეო