გიორგი ოვაშვილის "სიმინდის კუნძული" გრან-პრის მფლობელი გახდა

ქართველი რეჟისორის, გიორგი ოვაშვილის ფილმი "სიმინდის კუნძული" კარლოვი ვარის საერთაშორისო კინოფესტივალზე გრან-პრის მფლობელი გახდა. რადიო "თავისუფლების" ინფორმაციით, ჩეხეთის რესპუბლიკის ქალაქ კარლოვი ვარიში 49-ე საერთაშორისო კინოფესტივალი დასრულდა. კინოფესტივალის საზეიმო დახურვის, კონკურსში გამარჯვებული საუკეთესო დოკუმენტური და მხატვრული ფილმების, ასევე რეჟისორებისა და მსახიობების გამოვლენის ცერემონიალი სასტუმრო "ტერმალში" გაიმართა. საკონკურსო პროგრამაში 12 ნამუშევარს შორის წარდგენილი იყო ქართველი რეჟისორის ფილმი "სიმინდის კუნძული", რომელსაც კინოფესტივალის მთავარი პრიზი - "ბროლის გლობუსი" გადაეცა.