"გამათბობელში გველი ყოფილა, რამაც დაბნეულობა გამოიწვია" - რა მოხდა თერჯოლის ერთ-ერთ საარჩევნო უბანზე

თერჯოლის #18 საარჩევნო უბანზე დილით გველი იპოვეს. როგორც თერჯოლის საოლქო საარჩევნო კომისიის თავმჯდომარე მარინა კოღუაშვილმა "ინტერპრესნიუსთან" საუბრისას განაცხადა, ქვეწარმავალი გამათბობელში იყო შესული და ის არჩევნების პროცესის მიმდინარეობისას გარეთ გავიდა.

"შემთხვევა დილით მოხდა. გამათბობელში გველი ყოფილა, რამაც დაბნეულობა გამოიწვია. თუმცა გველი ადგილზევე მოკლეს და არჩევნების პროცესი ჩვეულებრივად გაგრძელდა", - აღნიშნა მარინა კოღუაშვილმა.

"ინტერპრესნიუსი"