მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
თბილისში ჯეიმს ბეიკერი ჩამოდის - აშშ-ს ყოფილი სახელმწიფო მდივანი ედუარდ შევარდნაძის დაკრძალვას დაესწრება
02:39 / 12-07-2014
თბილისში დღეს ამერიკის შეერთებული შტატების ყოფილი სახელმწიფო მდივანი ჯეიმს ბეიკერი ჩამოდის.
როგორც "ინტერპრესნიუსს" საქართველოს საგარეო საქმეთა სამინისტროდან აცნობეს, ჯეიმს ბეიკერი ექსპრეზიდენტ ედუარდ შევარდნაძის დაკრძალვის ცერემონიაში მიიღებს მონაწილეობას, რომელიც 13 ივლისს სამების საკათედრო ტაძარში გაიმართება.
აშშ-ის ყოფილმა სახელმწიფო მდივნმა ჯეიმს ბეიკერმა ედუარდ შევარდნაძეზე გამოცემა "ვაშინგტონ პოსტში" სტატია გამოაქვეყნა, სათაურით _ "ჩემი მეგობარი ედუარდ შევარდნაძე". სტატიაში ავტორი წერს, რომ ისტორია სწორად შეფასებს შევარდნაძეს. მისივე თქმით, ედუარდ შევარდნაძის გარეშე ცივი ომი მშვიდობიანად ვერ დასრულდებოდა.
"კარგად მახსოვს, დრო და ადგილი, როდესაც უკვე ვიცოდი, რომ ცივი ომი დასრულდა. ეს იყო 1990 წლის 3 აგვისტოს, მოსკოვის გარეთ, ვნუკოვოს აეროპორტში. ისტორია რომ იქმნებოდა, საბჭოთა კავშირის საგარეო საქმეთა მინისტრის გვერდით ვიდექი, როდესაც ჩვენ ერთად გამოვაცხადეთ, რომ ჩვენი ქვეყნები ეწინააღმდეგებოდნენ ერაყის შეჭრას ქუვეითში და მოვუწდეთ ერაყისთვის იარაღის ემბარგოსკენ, რომელიც იმ ხანად საბჭოთა კავშირისგან იძენდა იარაღს. ედუარდ შევარდნაძე ჩემი კოლეგა იყო. მიუხედავად იმისა, რომ ის მოწინააღმდეგე იყო, სანდო, დიპლომატიური პარტნიორიც იყო. დროთა განმავლობაში ის ჩემი ახლო მეგობარი გახდა. მე მომწონდა და ვაღმერთებდი ამ ადამიანს", - წერდა სტატიაში ჯეიმს ბეიკერი.
ამასთან, საქართველოს ყოფილი პრეზიდენტის ედუარდ შევარდნაძის დაკრძალვის ცერემონიაში მონაწილეობის მისაღებად საქართველოში დღეს ჩამოვა ესტონეთის ყოფილი პრეზიდენტი არნოლდ რუტელი და შვეიცარიის კონფედერაციის ყოფილი ფედერალური კანცლერი სამუელ შმიდი.
13 ივლისს კი საქართველოში ასევე ჩამოვლენ სხვა დელეგაციები და დიპლომატები. კერძოდ, გერმანიის ყოფილი საგარეო საქმეთა მინისტრი ჰანს დიტრიხ გენშერი; აგრეთვე - აზერბაიჯანის პარლამენტის თავმჯდომარე ოკტაი ასადოვი; თურქეთის შრომისა და სოციალური დაცვის მინისტრი ფარუქ ჩელიქი; სომხეთის პარლამენტის თავმჯდომარე გალუსტ საჰანიანი. ასაევე, ავსტრიის იუსტიციის მინისტრი ვოლფგანგ ბრანდშტეტერი; იაპონიის პრემიერ-მინისტრის სპეციალური წარმომადგენელი იჩირო აიზავა და მარგარიტ ტეტჩერის ყოფილი მრჩეველი საგარეო პოლიტიკის საკითხებში დიდი ბრიტანეთის ლორდი პაუელი.
ედუარდ შევარდნაძის სამოქალაქო პანაშვიდი სამების საკათედრო ტაძარში დღეს, 16:00 საათიდან დაიწყება. 13 ივლისს, სამგლოვიარო ცერემონიის ოფიციალური ნაწილი სამების ტაძარში 13:00 საათიდან დაიწყება. ექსპრეზიდენტს სამების ტაძრიდან 14:45 საათზე გამოასვენებენ. სამგლოვიარო პროცესია კრწანისის რეზიდენციისკენ დაიძვრება. დაკრძალვის ცერემონია გაიმართება 16:00 საათზე. ედუარდ შევარდნაძეს კრწანისის რეზიდენციის ეზოში მეუღლის გვერდით დაკრძალავენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
