ურეკში სასტუმროდან 14 წლის გოგონა გაუჩინარდა - "ოდნოკლასნიკით" ისარგებლა და ამის შემდეგ მისი კვალი წყდება"
გაუჩინარებული ქუთაისელი გოგონას ოჯახის წევრები და ახლობლები დახმარებას ითხოვენ. 14 წლის მარიამ გეგუჩაძე ურეკის ერთ-ერთი სასტუმროდან 12 დღის წინ გაუჩინარდა.
დაკარგულის დედის, სოფო ადეიშვილის თქმით, მისი შვილი ურეკიდან გაუჩინარების შემდეგ, 2 საათში ბათუმში, მის ახლობელთან მივიდა, 4 ივლისს სოციალურ ქსელ "ოდნოკლასნიკით" ისარგებლა და ამის შემდეგ მისი კვალი წყდება.
დაკარგულის დედის თქმით, პოლიცია მარიამ გეგუჩაძის პირადი გვერდის შემოწმებაზე უარს აცხადებს. "პოლიცია მეუბნება მხოლოდ უშიშროებას აქვს უფლება შევიდეს სოციალურ ქსელშიო. სხვაგვარად კი ჩემი შვილის კვალზე გასვლა ვერ ხერხდება", - ამბობს სოფიო ადეიშვილი.
პოლიციამ ასევე ვერ მიაკვლია ვინმე გიორგის კვალს, რომელიც, სავარაუდოდ, დაკარგულის შეყვარებულია და დედის ვარაუდით, მასთან შესაძლოა იმყოფებოდეს მარიამ გეგუჩაძე. მშობლის ინფორმაციით, დაკარგული გოგონას შეყვარებულის ტელეფონის ნომერი გოგონას მეგობარმა, ვინმე მეგიმ იცის, თუმცა, იგი ამ ინფორმაციის გამხელაზე უარს ამბობს.
იხილეთ ვრცლად
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
