იგორ გიორგაძე მზადაა შევარდნაძის დაკრძალვაზე დასასწრებად ჩამოვიდეს

საქართველოს უშიშროების ექსმინისტრი იგორ გიორგაძე მზადაა საქართველოში ედუარდ შევარდნაძის დაკრძალვაზე დასასწრებად ჩამოვიდეს, თუ საქართველოს ხელისუფლება მას ამის ნებას დართავს. ამის შესახებ გიორგაძემ სააგენტო "რეგნუმთან" ინტერვიუში განაცხადა.

"ძალიან ვწუხვარ, რომ შევარდნაძე საქართველოში ჩემს ჩამოსვლამდე გარდაიცვალა. მე უკვე ბევრჯერ შევაფასე ედუარდ შევარდნაძე, როგორც პოლიტიკოსი და მისი გარდაცვალება არ ცვლის მისდამი ჩემს დამოკიდებულებას. როგორც მართლმადიდებელი ტრადიციების ადამიანი, მის საფლავზე ცეკვას არ ვაპირებ. ის ხომ მისი ახლობლებისთვის საყვარელი მამა და ბაბუა იყო", – აცხადებს გიორგაძე.

კითხვაზე, წავა თუ არა ექსპრეზიდენტის დაკრძალვაზე, გიორგაძემ უპასუხა: "თუკი საქართველოს ხელისუფლება ნებას მომცემს სამშობლოში დავბრუნდე, მაშინ კი".