მნიშვნელოვანი ინფორმაცია
27
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჯეიმს ბეიკერი - "ჩემი მეგობარი ედუარდ შევარდნაძე"
09:29 / 09-07-2014
"ჩემი მეგობარი ედუარდ შევარდნაძე", - ამ სათაურით აქვეყნებს გამოცემა "ვაშინგტონ პოსტი" აშშ-ის ყოფილი სახელმწიფო მდივნის ჯეიმს ბეიკერის სტატიას ედუარდ შევარდნაძეზე.
"კარგად მახსოვს, დრო და ადგილი, როდესაც უკვე ვიცოდი, რომ ცივი ომი დასრულდა. ეს იყო 1990 წლის 3 აგვისტოს, მოსკოვის გარეთ, ვნუკოვოს აეროპორტში. ისტორია რომ იქმნებოდა, საბჭოთა კავშირის საგარეო საქმეთა მინისტრის გვერდით ვიდექი, როდესაც ჩვენ ერთად გამოვაცხადეთ, რომ ჩვენი ქვეყნები ეწინააღმდეგებოდნენ ერაყის შეჭრას ქუვეითში და მოვუწდეთ ერაყისთვის იარაღის ემბარგოსკენ, რომელიც იმ ხანად საბჭოთა კავშირისგან იძენდა იარაღს. ედუარდ შევარდნაძე ჩემი კოლეგა იყო. მიუხედავად იმისა, რომ ის მოწინააღმდეგე იყო, სანდო, დიპლომატიური პარტნიორიც იყო. დროთა განმავლობაში ის ჩემი ახლო მეგობარი გახდა. მე მომწონდა და ვაღმერთებდი ამ ადამიანს", - წერს ჯეიმს ბეიკერი.
როგორც აშშ-ის ყოფილი სახელმწიფო მდივანი სტატიაში აღნიშნავს, სწამს, რომ ისტორია სწორად შეფასებს შევარდნაძეს. მისივე თქმით, ედუარდ შევარდნაძის გარეშე ცივი ომი მშვიდობიანად ვერ დასრულდებოდა.
"ედუარად შევარდნაძე, რომელიც საბჭოთა კავშირის ლიდერის მიხეილ გორბაჩოვის რეფორმების პოლიტიკის ერთგული მხარდამჭერი იყო, მთელი არსით იბრძოდა ძლიერი შიდა ძალების წინააღმდეგ, რომლებიც დაინტერესებული იყვნენ სამშობლოში დაუნდობელი რეპრესიებითა და მუდმივი ცივი ომით საზღვარგარეთ. ერთ მომენტში, ის გადადგა კიდეც და განაცხადა, რომ "დიქტატურა მყარდებოდა". შევარდნაძე იყო მტკიცე, შეუპოვარი და უპირველეს ყოვლისა, ის იყო მამაცი", - წერს ჯეიმს ბეიკერი.
ამასთან, როგორც აშშ-ის ყოფილი სახელმწიფო მდივანი აღნიშნავს, ედუარად შევარდნაძის პოლიტიკური სიმამაცე მაშინ წარმოჩინდა მსოფლიოსთვის, როდესაც მათ ერთობლივი განცხადება გააკეთეს ერაყის თაობაზე. მისივე თქმით, ვიდრე ერთობლივ განცხადებას გააკეთებდნენ, დაღლილმა შევარდნაძემ მას პირადად უთხრა, რომ ხისტი პოლიტიკის მხარდამჭერებმა მის ქვეყანაში გააფრთხილეს, რომ "ხელები სისხლში ექნებოდა გასვრილი", თუ ამ პოზიციას მიიღებდა. "მაგრამ შევარადნაძე მზად იყო წინ აღდგომოდა მათ. "ეს აგრესია არ შეესაბამება ახალი პოლიტიკური აზროვნების პრინციპებს", - განაცხადა მან აეროპორტში", - წერს ჯეიმს ბეიკერი.
აშშ-ის ყოფილი სახელმწიფო მდივნის თქმით, მსგავსი პროდუქტიულობით მას არც ერთ სხვა უცხოელ მაღალჩინოსანთან არ უთანამშრომლია, მიუხედავად იმისა, რომ მათი თანამშრომლობა ამ გზით არ დაწყებულა. მისივე თქმით, თავდაპირველად მათი შეხვედრები ფორმალური იყო. თუმცა დროთა განმავლობაში, ისინი ერთმანეთისადმი ნდობით აღიჭურვნენ.
"ედუარად შევარდნაძე წინააღმდეგობებისა და სიურპრიზების ადამიანი იყო, რომელიც დაიბადა და გაიზარდა ავტორიტარულ საბჭოთა კავშირში. ედუარდ შევარდნაძე ერთგული კომუნისტი იყო. თუმცა, ხელისუფლებაში ყოფნის პიკში ის ხელს უწყობდა რეფორმებს. მიუხედავად იმისა, რომ მისი მთავრობა მთელი მისი ცხოვრების განმავლობაში მხარს უჭერდა ათეიზმს, 1991 წელს ის მოინათლა. 1989 წელს, უაიომინგში შეიარაღებაზე კონტროლის მოლპარაკებების აღსანიშნავად საჩუქრების გაცვლისას, გაოცებული დავრჩი, როდესაც შევარდნაძემ ქრისტეს მინანქრის სურათი გადმომცა. "ხედავ, ჩვენ კომუნისტებიც კი, ვიცვლით მსოფლმხედველობას", - მითხრა მან", - წერს ჯეიმს ბეიკერი და აღნიშნავს, რომ ედუარად შევარადნაძე ნამდვილად იყო უდიდესი სახელმწიფო მოღვაწე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
