უკრაინის საავიაციო სამსახურმა ანტიტერორისტული ოპერაციის ზონაში საჰაერო სივრცე ჩაკეტა

უკრაინის სახელმწიფო საავიაციო სამსახურმა ანტიტერორისტული ოპერაციის ზონაში საჰაერო სივრცე ჩაკეტა. ამის შესახებ უკრაინული მედია იუწყება.

Unian-ის ინფორმაციით, ანტიტერორისტული ოპერაციის ზონაში საჰაერო სივრცე მხოლოდ სამოქალაქო თვითმფრინავებისთვის ჩაიკეტა.

უკრაინის საავიაციო სამსახურის განცხადებით, გადაწყვეტილება უსაფრთხოების უზრუნველყოფის მიზნით იქნა მიღებული. ამასთან, საავიაციო სამსახურის განცხადებით, ანტიტერორისტული ოპერაციის ზონაში ავიამიმოსვლა რეგიონში ვითარების სტაბილიზაციისთანავე აღდგება.

მომზადებულია Unian-ის მიხედვით.