მნიშვნელოვანი ინფორმაცია
19
ივნისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 01:35-ზე, მთვარე ვერძში გადავა 03:07-ზე –
მოერიდეთ აჩქარებას და გაღიზიანებას. არ არის რეკომენდებული მოლაპარაკებების წარმოება. აზრებისა და იდეების სხვებისთვის გაზიარება. დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ზურა ყიფშიძე მასტერმა კლიპში გადაიღო - რეპერს ტელეშოუებმა "გაუტეხეს"
05:51 / 08-07-2014
რეპერი მასტერი, იგივე გიორგი პავლიაშვილი აბსოლუტურად დამოუკიდებლად მუშაობს და თავის რეპკომპოზიციებს თავიდან ბოლომდე თვითონ ქმნის. წელიწადში რამდენიმე ვიდეოს ამზადებს. ბოლოს "ნუში" შექმნა, მასში მსახიობი ზურა ყიფშიძე მონაწილეობს და ის ლეგენდარული ფილმის "როცა აყვავდა ნუშის" მიხედვით გააკეთა, გრანდიოზული პრეზენტაციაც მოაწყო, მაგრამ გულნატკენია, რომ მისი ნამუშევრით არც ერთი ტელეშოუ არ დაინტერესდა.
მასტერი:
- ჩემი ახალი კლიპი არც ერთმა ტელეშოუმ თუ გადაცემამ არ გაუშვა... ყველამ უარით გამომისტუმრა, ზოგმა არც კი უყურა, ზოგმა მომიბოდიშა, რომ ვერ ჩასვამდა თავის ფორმატში (არ ვიცი, რატომ)... პრემიერას მხოლოდ ერთი შოუ დაგვთანხმდა იმ პირობით, რომ კლიპზე მხოლოდ 1 წუთი უნდა მესაუბრა და აქედან გამომდინარე, ვერ შევთანხმდით... ბოლოს კი ვიდეო მეგობართან - თამუნა მუსერიძესთან "პირველი არხის" დილის გადაცემაში მივიტანეთ... დიდი მადლობა ამისთვის!
- რატომ აირჩიე კლიპისთვის ლანა ღოღობერიძის ფილმი "როცა აყვავდა ნუში?"
- ეს სიმღერა ფილმის კი არა, მუსიკის მიხედვით ავირჩიე, სულ მინდოდა, ამ მუსიკალურ თემაზე მემუშავა, მაგრამ მასთან "მიახლოვებას" ვერ ვბედავდი, დიდი ხნის ფიქრის შემდეგ, გადავწყვიტე, რეპში გამეკეთებინა, გავაკეთე არანჟირება (ამას "სემპლინგი" ჰქვია, რადგან გამოყენებულია ორიგინალი კომპოზიციის აუდიო ნაწილები) შემდეგ სიმღერა მომზადდა დუეტად - აბი ხანუქაშვილთან ერთად... ეს ვერსია გავუგზავნე ბატონ გია ყანჩელს, უდიდეს ადამიანს, სკეპტიკურად ვიყავი განწყობილი, მეგონა, არ მოეწონებოდა, მაგრამ დადებითი პასუხი მოვიდა, რამაც ძალიან გამახარა!
- ვიდეოში ქართული კინოსა და თეატრის ვარსკვლავი მონაწილეობს, ადამიანი, რომელმაც აღნიშნულ ფილმში წლების წინ ითამაშა...
- ზურა ყიფშიძე იმიტომ მოვიწვიე, რომ ის იმ ფილმში თამაშობს მთავარ როლს, რომლის საუნდტრეკიც ეს მუსიკალური თემაა... აქედან გამომდინარე, დიდი სურვილი მქონდა, ამ კლიპში მას მონაწილეობა მიეღო... იგი მარტივად დაგვთანხმდა. უნდა აღვნიშნო, რომ გენიალური პიროვნებაა, ძალიან თავმდაბალი და უნიკალური ადამიანი! დიდი სიამოვნებაა, იყო რეჟისორი კლიპისა, რომელშიც მონაწილეობდა ისეთი დიდი არტისტი, როგორიც არის ბატონი ზურა!
- კადრების მიხედვით თუ ვიმსჯელებთ, კლიპი გარეჯშია გადაღებული, ასეა?
- გადაღებები მიმდინარებოდა "ლისის ტბის" მიმდებარე ტერიტორიაზე, დიდი ხანი ვეძებდი ლოკაციას... თავიდან "ლისის ტბაზე" რომ ავედი, ტბას მანქანით შემოვუარე და მივხვდი, რომ ეს ის ადგილი იყო, რომელიც მინდოდა...
- კლიპში გაისმის ფრაზა სინანულთან დაკავშირებით. რას ნანობ?
- რას ვნანობ? ალბათ იმას, რომ უფრო აქტიური არ ვიყავი მაშინ, როცა ეს საჭირო იყო, კარიერაში უფრო მეტისთვის შემეძლო, მიმეღწია!
- სკოლის პირველი სიყვარულის თემასაც ეხმიანები.
- კლიპში სკოლის სიყვარული არ მყოლია, უბრალოდ მანდ ჩემი ტექსტი მთლიანად ფილმს შევუსაბამე და ვყვები იმ ტექსტს, რასაც ჩემი გადმოსახედიდან მოჰყვებოდა პერსონაჟი "ზურა", რომელსაც კლასელი გოგო უყვარდა.
- რეპკომპოზიციაში ყურს ხვდება ფრაზა -'"ბედმა საერთო საბანი ვერ შეგვიკერა"...
- ამ ფრაზა - "ბედმა საერთო საბანი ვერ შეგვიკერა" ვეუბნები გოგოს, რომელიც ჩემთან ერთად აღარ არის, მიუხედავად იმისა, რომ მასაც სურდა ჩემთან ყოფნა და მეც მასთან მინდოდა, მაგრამ ასე მოხდა.
- ზურა ყიფშიძეს რომ დავუბრუნდეთ - რა იყო შენთვის მასთნ მუშაობა?
- ზურასთან მუშაობა, როგორც უკვე ვთქვი, პირველ რიგში ძალიან მეამაყება, უფრო მეტ სტიმულს მაძლევს, რომ დიდ პროექტებს შევეჭიდო, მომემატა თავდაჯერებულობა და როგორც ადამიანისგან, მისგან ბევრი რამ ვისწავლე! თავისთავად მოხდა ყველა სიმღერის გარემეიქება ან "სემპლად" გამოყენება. ეს დროსა და გემოვნებას მოაქვს. არასდროს მქონია დასახული, რომ ავდგები და ძველ სიმღერებს გავარიმეიქებ-მეთქი... თუმცა ეს ერთგვარად პოპულარიზაციას უწევს ძველსაც... ხშირად ბევრი მეკითხება ხოლმე, რომელი სიმღერა გაქვს გამოყენებული? ვეუბნები კონკრეტულ ძველ სიმღერას და აქედან გამომდინარე გამოდის, რომ "ჩერეზ" ჩემით ხშირად ძველ სიმღერასთან მიდიან... მაგალითად, თბილისი "სითი 2"-ში გამოყენებულია ნანი ბრეგვაძის სიმღერა - "ძმაო, გაშალე მარჯვენა", რომელიც თითქმის არავინ იცოდა... ახლა მეკითხებიან, "სითი 2"-ში რომელი სიმღერაა გამოყენებულიო, ვეუბნები და უსმენენ "ორერას" ძველ ნამღერს!
- კლიპში რამდენიმე სიმბოლური მინიშნებაც არის:
- პერსონაჟი "ზურა" ციხიდან გამოდის და სრულიად მარტოა. დადის დიდ სივრცეში (ველზე), სადაც ახსენდება თავის მეგობრები, სიყვარული... მხოლოდ ძაღლიღა დარჩა (რომელიც ერთგულების სიმბოლოა), სადაც არ უნდა წავიდეს, უკან მიჰყვება. სიმბოლურია ასევე შავი ფერის "გაზ-21" (ფილმში მოგეხსენებათ, თეთრია), კლიპში შავი ვოლგა სიმბოლოა ცოდვისა და ცუდი მოგონებების, რომელიც ადამიანს თან დაჰყვება... კიდევ ბევრი სიმბოლური დატვირთვაა, ყველაფერზე აღარ მინდა საუბარი.
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მიზეზით იბარებენ ხელმეორედ საგამოძიებო კომისიაზე ოპოზიციონერ პოლიტიკოსებს და როგორია მხარეთა პოზიციები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
