მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბიძინა ივანიშვილმა შესაძლოა, GDS-ზე პოლიტიკური თოქ-შოუ წაიყვანოს - ეკა ბერიძის და არხის მთავარი პროდიუსერის კომენტარები
06:48 / 07-07-2014
ბიძინა ივანიშვილმა შესაძლოა, GDS-ზე პოლიტიკური თოქ-შოუ წაიყვანოს, - ამის შესახებ ინფორმაცია Facebook-ზე ნანუკა ჟორჟოლიანმა გაავრცელა.
Ambebi.ge შეეცადა, გაერკვია, ტელეწამყვანმა იხუმრა, თუ გავრცელებული ინფორმაცია რეალური იყო. კომენტარისთვის ნანუკა ჟორჟოლიანს დავუკავშირდით.
- ტელეკომპანიის თანამშრომლებმა მითხრეს ამის შესახებ. ის ადამიანი, ვისგანაც ეს შევიტყვე, წამყვან პოზიციაზეა "ჯი დი ეს"-ში. ვიცი, რომ პროდუსერს ეძებენ, რამდენიმე ადამიანს დაურეკეს კიდეც. საქმიანი დიალოგი მქონდა აღნიშნული ტელეკომპანიის წარმომადგენელთან და მითხრა, რომ 90 პროცენტით გადაწყვეტილია ეს ამბავი. შევიტყვე, რომ აკეთებენ საინფორმაციოს, სოციალურ და პოლიტიკურ თოქ-შოუებს, რომლის წამყვანიც ეკა ბერიძე და ბიძინა ივანიშვილი იქნებიან.
- როგორც ჟურნალისტი, რას ფიქრობთ, როგორი იქნება ბიძინა ივანიშვილის მიერ გაკეთებული თოქ-შოუ?
- ყოველგვარი ცინიზმის გარეშე, როგორც ჟურნალისტმა ვიკითხე, რამდენად სწორი იქნება ბიძინა ივანიშვილის მიერ დასმული თუნდაც კრიტიკული შეკითხვა-თქო. ჟურნალისტურად დავეთანხმე, რომ რეიტინგული შოუ იქნება, მთავრობის სხდომასავით იქნება. მეც მინდოდა პოლიტიკური თოქ-შოუს გაკეთება, მაგრამ მე რომ ახლა პოლიტიკური თოქ-შოუ მქონდეს, გიგის დაკავებაზე ხომ ვიქნებოდი სუბიექტური? რატომ უნდა მოვაცემინო ვინმეს ობიექტური შენიშვნა? ამიტომ ჯობია ვაკეთო იმ ტიპის შოუ, სადაც ამ შენიშვნას არ მივიღებ.
ინფორმაციის გადასამოწმებლად Ambebi.ge ტელეკომპანია GDS-ის მთავარ პროდიუსერს, თემურ გოგოლაძეს დაუკავშირდა:
- ბატონო თემურ, ადასტურებთ გავრცელებულ ინფორმაციას, რომლის თანახმად ტელეკომპანია GDS-ზე ეკა ბერიძე და ბიძინა ივანიშვილი პოლიტიკური თოქ-შოუს გაკეთებას აპირებენ?
- ამ ყველაფერს ვერ ვადასტურებ. რაც შეეხება ეკა ბერიძეს, ვადასტურებთ მასთან მეგობრობას... ახალი სეზონიდან სიახლეებს ვგეგმავთ, მათ შორის ერთ-ერთი ვერსია "ნიუსების წამოწყებაა", თუმცა ამ ეტაპზე ეს დადასტურებული არ არის. ტელეკომპანიაში ვფიქრობთ შოუზეც და სხვადასხვა ტიპის გადაცემებზეც. ვფიქრობთ ყველა ადამიანზე, ვის შეუძლია, ვინ იქნება კარგი და ასე შემდეგ, თუმცა ჯერჯერობით ეს არის მხოლოდ ფიქრისა და განხილვის პროცესი, - აცხადებს ტელევიზიის მთავარი პროდიუსერი თემურ გოგოლაძე.
Ambebi.ge კომენტარისთვის ეკა ბერიძესაც დაუკავშირდა, თუმცა ეკა ბერიძემ გვითხრა, რომ ამ თემაზე საუბარს არ აპირებს და ყურმილი გათიშა...
თამარ ბოჭორიშვილი, Ambebi.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
