რაზე საუბრობდნენ ბიზნესმენი გიორგი კაპანაძე და უგულავას ქვისლი -"იმედი" საგამოძიებო სამსახურის მასალას ავრცელებს

"ტელე-იმედი" ფინანსთა სამინისტროს საგამოძიებო სამსახურის მასალას ავრცელებს, სადაც ბიზნესმენ გიორგი კაპანაძისა და გიგი უგულავას ქვისლის, გიორგი ღონიაშვილის საუბარია ჩაწერილი. ტელეკომპანიის ცნობით, აღნიშნული ჩანაწერი საგამოძიებო სამსახურს გიორგი კაპანაძემ გადასცა. ჩანაწერში ღონიაშვილი კაპანაძეს ფულთან დაკავშირებით ესაუბრება.

"კაპანაძე: -ამაზე მეუბნებოდი რამეს? აბა რავი, რამდენიც გინდა, 200 000 დოლარი? კაროჩე, მე ხელმოწერილს გადმოგიგდებ. მე დღეს შენ თვითონ მეუბნები შენ მზად ხარ.

ღონიაშვილი: ისინი? ისინი მზად არიან.

კაპანაძე: ისინი უკვე თუ მეუბნები ჟელეზნად, მე ხვალ გამომაქვს ორასი, აგერ მოვიტან.

ღონიაშვილი – არა.

ღონიაშვილი – 350 ათი ათასი

კაპანაძე: ანუ შენ წახვედი, შენ დაახურდავე 350 ათი ათასი ლარი.

ღონიაშვილი: ხო ეგ არის ეხლა 200 რომ გავამრავლოთ 1,75 და 8-ზე არის ამდენი 350 000

კაპანაძე: გავიგე ახლა ზუსტად 350 000 მიგაქვს შენ", - აღნიშნულია ჩანაწერში.

"ტელე-იმედმა" ფინანსთა სამინისტროს საგამოძიებო სამსახურისგან გამოითხოვა მასალა, რომლის განსაიდუმლოებაც სასამართლოს დადგენილებით რამდენიმე საათის წინ მოხდა. ეს საგამოძიებო მასალის მცირე ნაწილია, სადაც გიორგი ღონიაშვილი და გიორგი კაპანაძე საუბრობენ.

"ტელე-იმედის" ინფორმაციით, გამოძიების მიერ ნივთმტკიცებად ასევე ამოღებულია ღონიაშვილის ტელეფონი. სამართალდამცველებმა უგულავა- ღონიაშვილი-კაპანაძის "ეს-ემ-ეს" მიმოწერაც გაასაჯაროეს, სადაც უგულავა ინტერესდება იმით, თუ როდის მოხდება თანხის გადმორიცხვა ალექსანდრე გოგოხიასგან. აღსანიშნავია, რომ უგულავა თანხის ჩარიცხვას დაჩქარებულ ტემპებში ითხოვს.

"ინტერპრესნიუსი"