რუსთავის #6 სასჯელაღსრულების დაწესებულებაში პატიმარი გარდაიცვალა

რუსთავის #6 სასჯელაღსრულების დაწესებულებაში პატიმარი გარდაიცვალა. 36 წლის მამუკა მერაბიშვილი რუსთავის #6 სასჯელარსრულების დაწესებულებაში კვირას ღამის 10:00 საათზე გარდაიცვალა.

პირველად, მიზეზად უეცარი სიკვდილი დასახელდა, თუმცა გარდაცვილილის ოჯახი ამ ვერსიას არ ენდობა.

როგორც გარდაცვლილის დედა აცხადებს, მის შვილს ჯანმრთლელობის პრობლემები არ ჰქონდა, თუმცა ახლა გარდაცვლილს სხეულზე, გულმკერდისა და კისრის არეში მრავლობითი დაზიანებები აღენიშნება.

ოჯახის წევრების თქმით, გარდაცვლილს უკვე ჩაუტარდა ექსპერტიზა, თუმცა ისინი ექსპერტიზის პასუხს არ ენდობიან და დამოუკიდებელი ექსპერტიზის ჩატარებას გეგმავენ.

სასჯელაღსრულების დაწესებულებაში აღნიშნულთან დაკავშირებით ჯერჯერობით კომენტარი არ გაკეთებულა.

"ინტერპრესნიუსი"