ავთო ცქვიტინიძის ულამაზესი ცოლი ბრიუსელში საზეიმო სამთავრობო მიღებაზე

ევროკავშირთან ასოცირების ხელშეკრულება გაფორმებულია. ევროკავშირთან ასოცირების ხელშეკრულების ხელმოწერის შემდეგ ბრიუსელში, საქართველოს საელჩოში საზეიმო მიღება გაიმართა.

მიღებას საქართველოს პრემიერ-მინისტრი ირაკლი ღარიბაშვილი სამთავრობო დელეგაციასთან ერთად დაესწრო. სხვა დელეგატებთან ერთად იმყოფებოდა ხათუნა თოთლაძეც, რომელიც საგარეო საქმეთა სამინისტროს საერთაშორისო-სამართლებრივი დეპარტამენტის უფროსია, თუმცა ფართო საზოგადოება მას ჯერ ბადრი პატარკაციშვილის დისშვილის, შემდეგ კი დიზაინერ ავთო ვქვიტინიძის მეუღლის სტატუსით იცნობდა...

შეგახსენებთ, რომ საქართველოს პრემიერ-მინისტრის ვიზიტი ბელგიის სამეფოში დასრულდა. სამთავრობო დელეგაცია ირაკლი ღარიბაშვილის ხელმძღვანელობით თბილისში დღეს დაბრუნდება. პრემიერი დელეგაციის წევრებთან ერთად ევროპის მოედანზე დაგეგმილ საზეიმო ღონისძიებას შეუერთდება და ასოცირების ხელშეკრულების ხელმოწერის უმნიშვნელოვანეს მოვლენას ქართველ ხალხთან ერთად აღნიშნავს.