თბილისელი მეძავების "გადაფრენის პერიოდი": სექს-მუშაკები მიგრაციას იწყებენ
საქართველო და სექს-მუშაკები - თემა რამდენადაც ბევრისთვის საჩოთიროა, იმდენადვეა მტკივნეული. ქვეყანაში პროსტიტუცია არალეგალურია, თუმცა ბუნებრივია, ეს სრულიად არ გამორიცხავს მისი კერების არსებობას.
ქვეყნებში, რომლებშიც პროსტიტუცია დაშვებულია, ეს საქმიანობა შემოსავლის ჩვეულებრივი წყაროა ბიუჯეტისთვის. მსგავს ქვეყნებში ყველაზე მომგებიანი პერიოდი ზაფხულია. ვინაიდან საქართველოსთვის ტურისტული თვალსაზრისით არც თბილისია პრიორიტეტული და არც სექს-ინდუსტრია, ორივე მათგანი ქვეყნის დასავლეთ ნაწილში, შავიზღვისპირეთში ყვავის...
ბათუმი, ქობულეთი, სარფი და გონიო - ეს ადგილები ჩვენი ქვეყნის ზღვისპირეთში ყველაზე პოპულარულ სექს-ლოკაციებად მიიჩნევა, თუმცა განსაკუთრებული პოპულარობით გონიო სარგებლობს და ის ამ ნიშნით ბოლო წლების განმავლობაში ლიდერობას არ თმობს ...
კარგად არის ცნობილი გონიოში ადგილობრივების მწვავე დამოკიდებულება აღნიშნული საკითხისადმი. იქ მოსახლეობა თითქმის ყოველწლიურად მართავს საპროტესტო აქციებს და სამართალდამცავებს რეაგირებისკენ მოუწოდებს. როგორც ცნობილია, გონიოში "დაბანაკებული" მეძავების მთავარი "მუშტარი" თურქი მამაკაცები არიან. არის ისეთი დაწესებულებებიც, რომელთა კატეგორიული მოთხოვნაა, რომ კლიენტი არ უნდა იყოს ეროვნებით ქართველი...
წელსაც, ისევე როგორც გასულ წლებში, შავიზღვისპირეთში რეგულარულად "მოღვაწე" კომერციულ სექს-მუშაკებს თბილისელი მეძავები გაუწევენ კონკურენციას. "თბილისში "საქმე" თითქმის აღარ გვაქვს" , - ამბობს Ambebi.ge-სთან საუბრისას სექს-მუშაკი ლიზი, რომელიც იმ იშვიათთაგანია, ვინც ჯერ კიდევ შემორჩა დედაქალაქის ცნობილ ქუჩებს.
"თბილისში სადმე მაგარ გასართობ სახლში თუ არ მუშაობ, ზაფხულში აქ ყოფნას აზრი არ აქვს. ის კი არა, ამ პერიოდში იქაც კი უჭირთ გოგონებს თავის გატანა. თან აქ ცუდი ის არის, რომ უცხოელებზე "ვერ გავდივართ". ჩემი გოგოების დიდი ნაწილი უკვე "დააწვნენ" ბათუმში და სხვა ზღვისპირა ადგილებში. ვღადაობთ ხოლმე, ფრინველების მსგავსად, თბილ "ტოჩკებში" "გადაფრენის პერიოდი" გვაქვსო ამ დროს. მართალია, სომხები "ჟმოტები" არიან, მაგრამ ამ საქმეში იხდიან, მთავარი იმედი თურქი კაცები არიან...", - ამბობს ლიზი.
გელა აბულაძე, Ambebi.ge
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
