კაცი ექიმებს პენისის დამოკლებისთვის სასამართლოში უჩივის - "ოპერაციამ ჩემი ქორწინება დაანგრია"

მამაკაცი საავადმყოფოს ადმინისტრაციას და ექიმებს სასამართლოში უჩივის; ის მორალური და ფიზიკური ზიანის ანაზღაურებისთვის ექიმებისგან 90 000 გირვანქა სტერლინგს მოითხოვს.

შეურაცხყოფილი პაციენტი ამტკიცებს, რომ მისი ღირსების რამდენიმე სანტიმეტრი დაკარგა და ეს არასწორად დასმული დიაგნოზის ბრალია. პაციენტმა, რომლის სახელი და გვარი გარკვეული მიზეზების გამო არ ვრცელდება პირველად პენისზე დაზიანება 2011 წლის ივლისში ცოლთან სექსის დროს მიიღო; ის პირდაპირ საწოლიდან საავადმყოფოში სასწრაფოდ გადაიყვანეს. როგორც მამაკაცი ამბობს, საავადმყოფოში "ექთანმა დასკვნა ვიზუალური დაკვირვებით გააკეთა და პენისს საერთოდ არ შეხებია".

როგორც სარჩელშია ნათქვამი, პაციენტმა "უმნიშვნელო ტრამვა" მიიღო და სერიოზული ქირურგიული ჩარევა არ სჭირდებოდა, სწორედ ამიტომ სახლში გაუშვეს. თუმცა, მამაკაცი აცხადებს, რომ ამ ინციდენტის შემდეგ პარალიზებული დარჩა და აღარ შეეძლო სექსუალური კავშირის დამყარება. 3 თვის შემდეგ კი ცნობილი გახდა, რომ მისი სასქესო ორგანო მოტეხილი იყო და სასწრაფო ოპერაცია სჭირდებოდა. მამაკაცი აცხადებს, რომ ქირურგიული ოპერაციის დროს, პროცედურამ მისი პენისის რამდენიმე სანტიმეტრი შეიწირა, ამასთან, მუდმივი ჭრილობაც დაუტოვა.

ჟურნალისტებისთვის ცნობილია მხოლოდ ის, რომ მამაკაცი კანადაში, პროვინცია კვებეკში ცხოვრობს და საავადმყოფო Le Gardeur-ს უჩივის. ის აცხადებს, რომ ოპერაციამ მისი ქორწინებაც დაანგრია.

მომზადებულია mirror.co.uk-ის მიხედვით.