"ნაციონალების" მეორე ტურში გასული კანდიდატი ამჟამად პატიმრობაში იმყოფება - ვინ არის ზურაბ ჯიბუხაია

ხონში, გამგებლობის არჩევნების მეორე ტურში, ამ დროისთვის არსებული ინფორმაციით, კოალიცია "ქართული ოცნების" კანდიტატს პატიმრობაში მყოფი "ერთიანი ნაციონალური მოძრაობის" კანდიდატი დაუპირისპირდება.

"ერთიანი ნაციონალური მოძრაობის" კანდიდატი ზურაბ ჯიბუხაია, რომელმაც ხონში ამომრჩეველთა 42,11 % დააგროვა, ამჟამად პატიმრობაში იმყოფება.

ხონის ყოფილი გამგებელი ზურაბ ჯიბუხაია ხონში, ხე-ტყის უკანონოდ მოპოვების საქმესთან დაკავშირებით 2014 წლის თებერვალში დააკავეს.

ხონში კოალიციიდან ჯემალ მებუკემ – 46,87 % დააგროვა, ხოლო მეორე ადგილზე გავიდა "ნაციონალური მოძრაობა" - ზურაბ ჯიბუხაია – 42,11 %-ით.