ახალქალაქში საუბნო საარჩევნო კომისიის წევრი გარდაიცვალა

ახალქალაქში, მეოთხე საარჩევნო უბნის გახსნამდე საუბნო კომისიის წევრი გარდაიცვალა. ამის შესახებ ცესკო-ს სპიკერმა ეკა აზარაშვილმა ბრიფინგზე განაცხადა.

"სამწუხარო ინფორმაცია მივიღეთ. უბნის გახსნამდე გულის შეტევით გარდაიცვალა საუბნო კომისიის წევრი ლევონ საპონჯიანი. საარჩევნო ადმინისტრაცია უსამძიმრებს გარდაცვლილის ოჯახს", - განაცხადა ეკა აზარაშვილმა.

ამასთან, ეკა აზარაშვილის თქმით, ცესკო-ს ინფორმაციით საარჩევნო პროცესი ზოგადად მშვიდ ვითარებაში მიმდინარეობს და პროცედურული ხარვეზების უმეტესობა აღმოფხვრილია.

"ინტერპრესნიუსი"