თბი­ლი­სის სა­ა­პე­ლა­ციო სა­სა­მარ­თლო უვა­დო პა­ტიმ­რო­ბა­ში მყო­ფი გია გვი­ჩი­ა­ნი­სა და ნიკა ჩე­მი­ას საქ­მეს გა­ნი­ხი­ლავს და სა­ვა­რა­უ­დოდ, 17 ივ­ნისს სა­ბო­ლოო ვერ­დიქტს გა­მო­ი­ტანს. მათ "თე­ლა­სის" მე­ნე­ჯერ ნიკა ლო­მი­ნა­ძის მკვლე­ლო­ბა­ში ედე­ბათ ბრა­ლი. ნიკა ლო­მი­ნა­ძე 2002 წლის 13 აგ­ვის­ტოს სა­კუ­თარ სახ­ლში ცე­ცხლსას­რო­ლი ია­რა­ღით მოკ­ლუ­ლი იპო­ვეს. 2006 წლის მარ­ტში მკვლე­ლო­ბა გახ­სნი­ლად გა­მო­ცხად­და და და­ნა­შა­უ­ლის დამ­კვე­თად გა­მო­ძი­ე­ბამ "თბილ­გა­ზის" ყო­ფი­ლი დი­რექ­ტო­რი გია გვი­ჩი­ა­ნი ცნო, მკვლე­ლო­ბის შემ­სრუ­ლებ­ლე­ბად კი - ნიკა ჩე­მია, ავ­თან­დილ ხერ­კი­ლა­ძე, გი­ორ­გი პა­პა­ჩაშ­ვი­ლი და ნო­დარ გვი­ჩი­ა­ნი (პა­პა­ჩაშ­ვილ­სა და გვი­ჩი­ანს საპ­რო­ცე­სო შე­თან­ხმე­ბა გა­უ­ფორმ­დათ, ხერ­კი­ლა­ძე კი ამა­სო­ბა­ში ცი­ხე­ში გარ­და­იც­ვა­ლა).

შარ­შან პრო­კუ­რა­ტუ­რამ ლო­მი­ნა­ძის მკვლე­ლო­ბა გა­უხ­სნე­ლად გა­მო­ა­ცხა­და და მისი გა­და­მოწ­მე­ბის ვალ­დე­ბუ­ლე­ბა აიღო. ჩვენ სა­მუ­და­მო პა­ტიმ­რო­ბა­მის­ჯი­ლი ნიკა ჩე­მია დაგ­ვი­კავ­შირ­და და საქ­მე­ში არ­სე­ბულ ახალ დე­ტა­ლებ­ზე გვე­სა­უბ­რა:

- მე და გია გვი­ჩი­ა­ნი მე-9 წე­ლია, უკა­ნო­ნოდ ვიმ­ყო­ფე­ბით უვა­დო პა­ტიმ­რო­ბა­ში და უსა­მარ­თლოდ ვა­ტა­რებთ ბინ­ძუ­რი ადა­მი­ა­ნე­ბის - სა­ა­კაშ­ვი­ლის, მე­რა­ბიშ­ვი­ლის, ადე­იშ­ვი­ლი­სა და კო­დუ­ას მიერ მი­კე­რე­ბულ იარ­ლიყს. ამ "კვარ­ტეტს" დღეს პრო­კუ­რა­ტუ­რა კრი­მი­ნა­ლე­ბად აცხა­დებს, ხოლო მათ მიერ შე­თხზულ საქ­მეს კი ბრმად და უარ­გუ­მენ­ტოდ თვლის კა­ნო­ნი­ე­რად. ჩვე­ნი საქ­მის ყო­ფილ პრო­კუ­რორს ან­ზორ ხვა­და­გი­ანს, ჩემი წა­მე­ბის არა­ერ­თგზის შეკ­ვე­თა­სა და ნარ­კო­რე­ა­ლი­ზა­ტორ ნო­დარ გვი­ჩი­ა­ნის აშ­კა­რა მფარ­ვე­ლო­ბა­ზე რომ არა­ფე­რი ვთქვა, 50-ზე მეტი და­ზა­რა­ლე­ბუ­ლი ჰყავს ბი­ნე­ბის აფე­რის გამო. იმის მა­გივ­რად, რომ დღეს ბრალ­დე­ბის მხა­რემ ხელი შეგ­ვი­წყოს იმა­ში, რომ სა­სა­მარ­თლომ დე­ტა­ლუ­რად გა­მო­იკ­ვლი­ოს ყვე­ლა ნი­უ­ან­სი, და­წყე­ბუ­ლი ე.წ. მოწ­მედ ქცე­უ­ლი ბრალ­დე­ბუ­ლე­ბის ჩვე­ნე­ბე­ბი­დან, გა­ნა­ჩე­ნის არ­გუ­მენ­ტა­ცი­ით დამ­თავ­რე­ბუ­ლი, ამ საქ­მით და­ინ­ტე­რე­სე­ბულ პირ­თა დაკ­ვე­თით ცდი­ლო­ბენ, ისევ დაგვტო­ვონ უვა­დო პა­ტიმ­რო­ბა­ში. ჩვე­ნი სიკ­ვდი­ლი თუ უნ­დათ, პირ­და­პირ დაგ­ვხვრი­ტონ, მა­ინც საბ­ჭო­თა კავ­ში­რის დრო­ინ­დე­ლი, 1937-იანი წლე­ბის პრო­კუ­რორ ვი­შინ­სკის მე­თო­დე­ბით გვებ­რძვი­ან. თუნ­დაც ე.წ. მოწ­მედ ქცე­უ­ლი ბრალ­დე­ბუ­ლე­ბის - ნო­დარ გვი­ჩი­ა­ნი­სა და გი­ორ­გი პა­პა­ჩაშ­ვი­ლის აღი­ა­რე­ბი­თი ჩვე­ნე­ბე­ბი­და­ნაც ნათ­ლად ჩანს, რომ ჩვენ უდა­ნა­შა­უ­ლო­ე­ბი ვართ. გვი­ჩი­ა­ნი და პა­პა­ჩაშ­ვი­ლი ამ საქ­მე­ზე და­კი­თხვას რა ხა­ნია ითხო­ვენ, რად­გან მათი თქმით, წინა რე­ჟი­მის დროს ზე­წო­ლი­სა და მოს­ყიდ­ვის გამო მის­ცეს ცრუ ჩვე­ნე­ბე­ბი. მათ გან­ცხა­დე­ბით მი­მარ­თეს პრო­კუ­რა­ტუ­რას და ში­შო­ბენ, რომ ამ ინ­ფორ­მა­ცი­ის გამ­ჟღავ­ნე­ბის შემ­დეგ მათ სი­ცო­ცხლეს საფრ­თხე და­ე­მუქ­რე­ბა ყო­ფი­ლი ძა­ლო­ვა­ნი მა­ღალ­ჩი­ნოს­ნე­ბის მხრი­დან.

- თქვენს წი­ნა­აღ­მდეგ სამ­მა ადა­მი­ან­მა მის­ცა ჩვე­ნე­ბა და გია გვი­ჩი­ა­ნი ნიკა ლო­მი­ნა­ძის მკვლე­ლო­ბის შეკ­ვე­თა­ში, თქვენ კი მკვლე­ლო­ბის შეს­რუ­ლე­ბა­ში და­გა­და­ნა­შა­უ­ლათ. ამ­ბობთ, რომ მათ ჩვე­ნე­ბის შეც­ვლა სურთ. იქ­ნებ და­ა­კონ­კრე­ტოთ, რა იცით, ახლა რის თქმას აპი­რე­ბენ ნო­დარ გვი­ჩი­ა­ნი და გი­ორ­გი პა­პა­ჩაშ­ვი­ლი?

- და­ვი­წყოთ იმით, რომ ნო­დარ გვი­ჩი­ა­ნი აცხა­დებ­და, რომ ის და გია გვი­ჩი­ა­ნი არი­ან ბი­ძაშ­ვი­ლე­ბი, რაც ტყუ­ი­ლია. მის­მა ნა­თე­სა­ვებ­მა სო­ფელ ლა­ტა­ლი­დან და­ა­დას­ტუ­რეს, რომ ეს არის სიც­რუე (ამა­ზე ვახო კო­მა­ხი­ძის ფილმშიც ჰყვე­ბი­ან). მთე­ლი საქ­მე აწყო­ბი­ლია იმა­ზე, თით­ქოს მე და ნო­დარ გვი­ჩი­ანს (რო­გორც მე და გია გვი­ჩი­ანს შო­რის შუ­ა­მა­ვალს) ინ­ტენ­სი­უ­რი შეხ­ვედ­რე­ბი და სა­ტე­ლე­ფო­ნო კონ­ტაქ­ტი გვქონ­და. ის ხელს მა­დებს, მაგ­რამ არ იცის, რა ნომ­რი­დან ვუ­რე­კავ­დი (ვერც სა­კუ­თარ ნო­მერს ასა­ხე­ლებს). იმა­ვეს ამ­ბობს გი­ა­ზეც. ბრალ­დე­ბის მხა­რემ "თე­ლას­ში" ჩა­ა­ტა­რა გა­მო­ძი­ე­ბა, რათა გა­ერ­კვია, მარ­თლა იმ­ყო­ფე­ბო­და თუ არა გი­ას­თან ნო­დარ გვი­ჩი­ა­ნი, მაგ­რამ ვერც საშ­ვი და ვერც სა­ტე­ლე­ფო­ნო ზა­რე­ბი ვერ აღ­მო­ა­ჩი­ნეს. ავ­თან­დილ ხერ­კი­ლა­ძე, რო­მე­ლიც ცი­ხე­ში გა­ურ­კვე­ველ ვი­თა­რე­ბა­ში გარ­და­იც­ვა­ლა, ნამ­დვი­ლად ვიცი, რომ ცუ­დად გახ­და და რამ­დე­ნი­მე სა­ა­თის გარ­დაც­ვლი­ლი იყო, როცა მას­თან ექი­მი მი­იყ­ვა­ნეს. მისი ოჯა­ხი ისე­თი და­ში­ნე­ბუ­ლია, ამა­ზე ლა­პა­რა­კიც არ უნდა. ჩვენ ერ­თად გაგ­ვი­ტა­ცეს ორ­თა­ჭა­ლის მე-5 იზო­ლა­ტო­რი­დან სპეც­კორ­პუს­ში, სა­დაც ხვა­და­გი­ა­ნის ბრძა­ნე­ბით, ერთი თვე, ფაქ­ტობ­რი­ვად, მკლავ­დნენ, მა­წა­მებ­დნენ იმის­თვის, რომ მკვლე­ლო­ბა მე­ღი­ა­რე­ბი­ნა. ვე­უბ­ნე­ბო­დი, რომც მომ­კლათ, კი­ლე­რო­ბას არ და­ვიბ­რა­ლებ-მეთ­ქი, რა­ზეც ხვა­და­გი­ან­მა პირ­და­პირ მი­თხრა, ეტყო­ბა, კარ­გად ვერ "და­გა­მუ­შა­ვე­სო". შვი­ლე­ბი მეზ­რდე­ბა და კი­ლე­რის იარ­ლი­ყი რო­გორ უნდა მი­მე­კე­რე­ბი­ნა?! ორი ვი­თომ "პა­დელ­ნი­კი" ერთ სა­კან­ში ვყავ­დით და როცა მაგ­რად მცემ­დნენ, სა­ნამ და­წე­სე­ბუ­ლე­ბის უფ­რო­სი თა­მაზ მე­ლა­ძე არ ეტყო­და, გე­ყო­ფა­თო, არ მეშ­ვე­ბოდ­ნენ, გას­ვლის წინ 1-2-ს ხერ­კი­ლა­ძე­საც წა­უ­თა­ქებ­დნენ ხოლ­მე. მე­ო­რე "მოწ­მემ", გია პა­პა­ჩაშ­ვილ­მა ოფი­ცი­ა­ლუ­რად მი­მარ­თა სა­სა­მარ­თლოს, - გთხოვთ, დამ­კი­თხოთ, ვი­ნა­ი­დან გვი­ჩი­ა­ნი­სა და ჩე­მი­ას წი­ნა­აღ­მდეგ ცრუ ჩვე­ნე­ბე­ბი მი­ვე­ციო. ნო­დარ გვი­ჩი­ანს რაც შე­ე­ხე­ბა, იგი უკ­რა­ი­ნა­ში იხ­დის სას­ჯელს (გია დევ­და­რი­ა­ნის სა­ხე­ლით). ის ტე­ლე­ფო­ნით და­უ­კავ­შირ­და გიას ძმას, ლე­ვანს და პრო­კუ­რა­ტუ­რის­გან ითხოვს, ჩა­ვიდ­ნენ და დაჰ­კი­თხონ. მას აქვს შიში, რომ მე­რა­ბიშ­ვი­ლი­სა და კო­დუ­ას­გან შუ­რის­ძი­ე­ბა ემუქ­რე­ბა, ამ­ბობს, მოკ­ვლას მი­პი­რე­ბენ, ჩა­მო­დით და და­მი­ცა­ვი­თო. რა, გა­უ­ჭირ­დე­ბათ იმ ნა­ძი­რა­ლებს, ვინ­მეს ფული გა­და­უ­ხა­დონ და გვი­ჩი­ა­ნი ცი­ხე­ში მო­აკ­ვლე­ვი­ნონ? ის ამ­ბობს, პი­რა­დად მე­რა­ბიშ­ვილ­მა და კო­დუ­ამ მა­ი­ძუ­ლეს ასე­თი ჩვე­ნე­ბის მი­ცე­მაო. ვფიქ­რობ, ნიკა ლო­მი­ნა­ძის მკვლე­ლო­ბა­ში მა­ღა­ლი ეშე­ლო­ნე­ბია ჩარ­თუ­ლი, ამას ისიც ადას­ტუ­რებს, რომ როცა ნო­დარ გვი­ჩი­ა­ნი ნარ­კო­რე­ა­ლი­ზა­ცი­ის­თვის და­ა­კა­ვეს, მას "სი­ტყვა­ზე ენდვ­ნენ" და გა­და­უხ­დე­ლი გი­რა­ოს (500 ათა­სი ლარი) სა­ფუძ­ველ­ზე წი­ნას­წა­რი პა­ტიმ­რო­ბი­დან გა­ა­თა­ვი­სუფ­ლეს. რო­გორ წარ­მო­გიდ­გე­ნი­ათ, რომ ნარ­კო­რე­ა­ლი­ზა­ტორს (ფა­რუ­ლად გა­და­ღე­ბუ­ლი აქვთ, რო­გორ ყი­დის ნარ­კო­ტიკს, სახ­ლი­დან უღე­ბენ 243 აბ სუ­ბუ­ტექსსა და ია­რაღს), რო­მელ­საც გა­რან­ტი­რე­ბუ­ლი აქვს სა­მუ­და­მო პა­ტიმ­რო­ბა, სი­ტყვა­ზე ენ­დო­ბი­ან და ათა­ვი­სუფ­ლე­ბენ?! ამას რომ რი­გი­თი გა­მომ­ძი­ე­ბე­ლი არ გა­და­წყვეტ­და, ხომ ფაქ­ტია. გარ­და ამი­სა, ამ მკვლე­ლო­ბა­ში თუ მა­ღალ­ჩი­ნოს­ნე­ბი არ არი­ან ჩარ­თულ­ნი, შემ­თხვე­ვის ად­გილ­ზე მი­სულ და­ვით კე­კუ­ას რა­ტომ უნდა გას­ჩე­ნო­და ტყვი­ის გუ­ლის შეც­ვლის სურ­ვი­ლი? ისიც გახ­სოვთ ალ­ბათ, გე­ნე­რა­ლი კე­კუა მერე ცი­ხე­ში გა­ურ­კვე­ველ ვი­თა­რე­ბა­ში რომ გარ­და­იც­ვა­ლა. რო­გორც ნო­დარ გვი­ჩი­ა­ნი ამ­ბობს, მას აქვს ისე­თი ინ­ფორ­მა­ცია, რა­საც ტე­ლე­ფო­ნით არ ამ­ბობს. ჩა­ვიდ­ნენ და დაჰ­კი­თხონ. მათი ახა­ლი ჩვე­ნე­ბე­ბი რომც არ გა­ით­ვა­ლის­წი­ნონ, ჩვენ იმ ჩვე­ნე­ბე­ბი­თაც ვმარ­თლდე­ბით, რაც აქამ­დე აქვთ მი­ცე­მუ­ლი. რა­ტომ არ ინ­ტე­რეს­დე­ბი­ან, ვინ ახ­დენ­და მათ­ზე ზე­წო­ლას?

- რა­ტომ არ უნდა აძ­ლევ­დეს ხელს პრო­კუ­რა­ტუ­რას მათი და­კი­თხვა და სი­მარ­თლის დად­გე­ნა?

- პრო­კუ­რა­ტუ­რა არა­თუ არ იძი­ებს, ვინ და რა პი­რო­ბებ­ში მო­ახ­დი­ნა მათ­ზე ზე­წო­ლა, არა­მედ სი­რაქ­ლე­მის პო­ზა­შია. რაში უნდა აძ­ლევ­დეთ ხელს, როცა საქ­მე­ში დევს წი­ნას­წარ გა­მო­ძი­ე­ბა­ში 500-ათას­ლა­რი­ა­ნი გა­და­უხ­დე­ლი გი­რა­ო­სა და შემ­დეგ, მან­კი­ე­რად გა­ფორ­მე­ბუ­ლი საპ­რო­ცე­სო გა­რი­გე­ბე­ბის დო­კუ­მენ­ტუ­რი მტკი­ცე­ბუ­ლე­ბე­ბი? უფრო მე­ტიც, დღემ­დე არ იძი­ე­ბენ 2013 წლის იან­ვარ­ში აღ­ძრულ სს საქ­მეს ჩვე­ნი დნმ-ების და თი­თის ანა­ბეჭ­დე­ბის სა­ექ­სპერ­ტო დას­კვნე­ბის და­მალ­ვის ფაქ­ტზე, დამ­ნა­შა­ვე პი­რე­ბის გა­მო­სავ­ლე­ნად. პრო­კუ­რა­ტუ­რა ასე­ვე, დღემ­დე არ იძი­ებს 2013 წლის 18 დე­კემ­ბერს აღ­ძრულ საქ­მეს, რო­მე­ლიც ჩემს ცემა-წა­მე­ბას ეხე­ბა. ჩვენ არა­ნა­ი­რი კომ­პენ­სა­ცია არ გვა­ინ­ტე­რე­სებს, ოჯა­ხებ­ში გვინ­და დაბ­რუ­ნე­ბა. გვაქვს სა­ფუძ­ვლი­ა­ნი ეჭვი, რომ გა­მო­ძი­ე­ბას ხელს უშ­ლის მთა­ვა­რი პრო­კუ­რო­რის მო­ად­გი­ლე შო­თა­ძე, რო­მელ­მაც თა­ვი­სი კა­რი­ე­რუ­ლი აღ­მას­ვლა ჩვე­ნი საქ­მით და­ი­წყო. ღა­რი­ბაშ­ვილს ატყუ­ე­ბენ, შო­თა­ძე იმ დროს სტა­ჟი­ო­რი იყოო, არა­და, მას პრო­კუ­რო­რის სტა­ტუ­სით აქვს ხელი მო­წე­რი­ლი საბ­რალ­დე­ბო დას­კვნა­ზე. ჩვენს გა­ნა­ჩენ­ში არა­თუ მტკი­ცე­ბუ­ლე­ბა­თა ერ­თობ­ლი­ო­ბა, არა­მედ ერთი უტყუ­ა­რი მტკი­ცე­ბუ­ლე­ბაც კი არ არის. ბრალ­დე­ბის მხა­რე გვპირ­დე­ბა, რომ ისი­ნი თა­ვი­ანთ დას­კვნით სი­ტყვა­ში ახ­სნი­ან ყვე­ლა­ფერს. სრუ­ლი პა­სუ­ხის­მგებ­ლო­ბით ვა­ცხა­დებ, რომ ისე­თი უტყუ­ა­რი ფაქ­ტე­ბი და ალი­ბე­ბია საქ­მე­ში, ვე­რა­ფერს ახ­სნი­ან. მა­შინ გვერ­დი უნდა აუ­ა­რონ მათ მიერ მოს­ყი­დუ­ლი ცრუ მოწ­მე­ე­ბის ჩვე­ნე­ბებ­სა და ყვე­ლა ფაქ­ტობ­რივ გა­რე­მო­ე­ბას. ჩვენ იქით ვუმ­ტკი­ცებთ, რომ თე­ო­რი­ულ დო­ნე­ზეც კი ვერ ჩა­ვი­დენ­დით ამ და­ნა­შა­ულს. შე­საძ­ლოა, მათ ისიც კი ამ­ტკი­ცონ, რომ მე ტე­ლე­პორ­ტა­ცი­ით გავჩნდი გერ­მა­ნი­ი­დან თბი­ლის­ში და ისევ უკან დავ­ბრუნ­დი. სა­სა­მარ­თლო­ზე გაჟ­ღერ­დე­ბა ისე­თი გა­რე­მო­ე­ბაც, რო­მე­ლიც თავ­და­ყი­რა და­ა­ყე­ნებს ბრალ­დე­ბის ვერ­სი­ას. სა­მარ­თლი­ა­ნო­ბის აღ­დგე­ნის იმე­დი ჩა­მი­სა­ხა ჩვენს საქ­მე­ზე გენპ­რო­კუ­რო­რის ბრი­ფინგზე იუს­ტი­ცი­ის მი­ნის­ტრის თეა წუ­ლუ­კი­ა­ნის გან­ცხა­დე­ბამ. მე ვე­ღარ შევ­ძლებ, ვა­ტა­რო მკვლე­ლის სა­ხე­ლი. ორი უდა­ნა­შა­უ­ლო ადა­მი­ა­ნი სა­მუ­და­მო პა­ტიმ­რო­ბი­სა და სიკ­ვდი­ლის­თვის გაგ­ვწი­რეს.

- სად იმ­ყო­ფე­ბო­დით ლო­მი­ნა­ძის მკვლე­ლო­ბის დროს და მო­სა­მარ­თლემ რა­ტომ არ გა­ი­ზი­ა­რა თქვე­ნი ალი­ბი?

- არ­სე­ბობს სა­ზღვრის დაც­ვის დე­პარ­ტა­მენ­ტი­დან ამო­ნა­წე­რი, რომ სა­ქარ­თვე­ლო­დან გერ­მა­ნი­ა­ში მი­ვემ­გზავ­რე­ბი 23 ივ­ლისს და ჩა­მოვ­დი­ვარ 10 აგ­ვის­ტოს (არ­სე­ბობს სა­ტე­ლე­ფო­ნო ამო­ნა­წე­რიც), რა­საც სა­სა­მარ­თლომ გვერ­დი აუ­ა­რა. ჩემი და ლო­მი­ნა­ძის სა­ქარ­თვე­ლო­ში ყოფ­ნა არც დრო­ში ემ­თხვე­ვა და რო­გორ ვუთ­ვალ­თვა­ლებ­დი და ვსწავ­ლობ­დი მის მარ­შრუტს, სა­ინ­ტე­რე­სოა. ლო­მი­ნა­ძე ვე­ნე­სუ­ე­ლი­დან დაბ­რუნ­და 22 ივ­ლისს. 10-11 აგ­ვის­ტოს წა­სუ­ლი იყო და­სავ­ლეთ სა­ქარ­თვე­ლო­ში, 12-ში ჩა­მო­ვი­და და 13-ში მკვლე­ლო­ბა მოხ­და. ანუ ჩვე­ნი თბი­ლის­ში ერ­თდრო­უ­ლად ყოფ­ნა მხო­ლოდ 12 აგ­ვის­ტოს ემ­თხვე­ვა. მკვლე­ლო­ბის მო­მენ­ტში, დი­ლის 8-ის ნა­ხევ­რი­დან 9 სა­ა­თამ­დე კი თბი­ლი­სის რკი­ნიგ­ზის სად­გურ­ში ვიმ­ყო­ფე­ბო­დი ოჯა­ხის წევ­რებ­თან ერ­თად (არ­სე­ბობს სა­ტე­ლე­ფო­ნო ამო­ნა­წე­რე­ბი); ბა­თუმ­ში მივ­დი­ო­დით. სა­სა­მარ­თლომ ვერ ახ­სნა, ივ­ლის­ში რო­გორ უნდა და­მედ­გი­ნა ლო­მი­ნა­ძის ვი­ზუ­ა­ლი ან ის, რომ ბახ­ტრი­ონ­ზე ცხოვ­რობ­და, ან თვალ­თვა­ლი, იმ მარ­ტი­ვი მი­ზე­ზით, რომ ლო­მი­ნა­ძე 27 ივ­ნისს წა­ვი­და ვე­ნე­სუ­ე­ლა­ში, მაგ დროს კი ნო­დარ გვი­ჩი­ა­ნი იყო ცი­ხე­ში (ცი­ხი­დან 3 ივ­ლისს გა­მო­ვი­და). ხერ­კი­ლა­ძე აცხა­დებს, ივ­ნის­ში მოხ­და მო­ლა­პა­რა­კე­ბა ჩვენ­სა და გვი­ჩი­ანს შო­რი­სო. ან გვი­ჩი­ანს სა­ი­დან უნდა სცოდ­ნო­და ივ­ნის­ში, რომ აგ­ვის­ტო­ში ლო­მი­ნა­ძე ბახ­ტრი­ონ­ზე, მა­მის სახ­ლში დარ­ჩე­ბო­და?

- ნო­დარ გვი­ჩი­ან­თან რა ურ­თი­ერ­თო­ბა გქონ­დათ?

- მე და გვი­ჩი­ა­ნი ერ­თუბ­ნე­ლე­ბი, ბახ­ტრი­ო­ნე­ლე­ბი ვართ და 1996-დან 1999 წლამ­დე კარ­გი ურ­თი­ერ­თო­ბა გვქონ­და, შემ­დეგ მოხ­და უსი­ა­მოვ­ნე­ბა და გავ­წყვი­ტე მას­თან ურ­თი­ერ­თო­ბა. შე­იძ­ლე­ბა, შემ­თხვე­ვით რა­ღაც მო­გიხ­დეს, ადა­მი­ა­ნიც შე­მო­გაკ­ვდეს, მაგ­რამ ფუ­ლის გუ­ლის­თვის წახ­ვი­დე და სრუ­ლი­ად უცხო კაცი მოკ­ლა, ამო­რა­ლო­ბაა. მე რა ადა­მი­ა­ნიც ვარ და რისი გამ­კე­თე­ბე­ლიც, ვინც მიც­ნობს, ყვე­ლამ იცის. კი­ლე­რის იარ­ლი­ყი რომ არ მი­ვი­კა­რი, ამი­ტო­მაც ვზი­ვარ ამ­დენ ხანს ამ ჯო­ჯო­ხეთ­ში და ამი­ტომ გა­ვუ­ძე­ლი წა­მე­ბას. ლო­მი­ნა­ძის მა­მას უთ­ქვამს, ვენ­დო­ბი გვი­ჩი­ა­ნის ჩვე­ნე­ბას, მე პრო­კუ­რო­რის მჯე­რაო. რა ვე­ლა­პა­რა­კო გამ­წა­რე­ბულ მა­მას? უარ­გუ­მენ­ტოდ ვინ­მე­სი რა­ტომ უნდა გჯე­რო­დეს? რო­გორ შე­იძ­ლე­ბა, არ გა­ინ­ტე­რე­სებ­დეს შვი­ლის ნამ­დვი­ლი მკვლე­ლის ვი­ნა­ო­ბა? ბო­ლოს და ბო­ლოს, აიყ­ვა­ნოს ავ­ტო­რი­ტე­ტუ­ლი ად­ვო­კა­ტი, თუნ­დაც - უცხო­ე­ლი და გა­არ­კვი­ოს სი­მარ­თლე. ფული თუ არ აქვს, ჩვენ გა­და­ვუხ­დით, მეტი რა გა­ვა­კე­თო აქე­დან? მე­ცო­დე­ბა, მაგ­რამ იმის გამო, ოღონდ წყნა­რად იყოს და და­ი­ჯე­როს, რომ მე ვარ მკვლე­ლი, ცი­ხე­ში ყოფ­ნას არ ვა­პი­რებ. ხე­ლი­სუფ­ლე­ბა თუ და­ი­ცავს სა­სა­მარ­თლოს იმის­გან, რომ ირაკ­ლი შო­თა­ძის ან მის დაქ­ვემ­დე­ბა­რე­ბა­ში მყო­ფი პრო­კუ­რო­რე­ბის მხრი­დან ზე­წო­ლა არ მოხ­დეს, 100%-ით ვარ დარ­წმუ­ნე­ბუ­ლი, რომ გავ­მარ­თლდე­ბით. წი­ნა­აღ­მდეგ შემ­თხვე­ვა­ში, ისღა დაგ­ვრჩე­ნია, სტრას­ბურგს მივ­მარ­თოთ.

ნანა ფი­ცხე­ლა­უ­რი

ჟურ­ნა­ლი "გზა"

(გა­მო­დის ხუთ­შა­ბა­თო­ბით)