26
მაისიდღის ზოგადი ასტროლოგიური პროგნოზი
თელავში, ერეკლე მეორეს ქუჩაზე, 35 წლის მამაკაცი ჩაცხრილეს. მამაკაცი საავადმყოფოში მიყვანის შემდეგ, ოპერაციის დროს გარდაიცვალა. მას ცეცხლსასროლი იარაღით არაერთი ჭრილობა ჰქონდა მიყენებული.
მკვლელობის დეტალებზე Facebook-ის პირად გვერდზე "ნაციონალური მოძრაობის" წევრი გიორგი კანდელაკი წერს, რომელიც კიდევ ერთხელ ამახვილებს ყურადღებას ქვეყანაში არსებულ კრიმინოგენულ ვითარებაზე:
Facebook/ გიორგი კანდელაკი, "ნაციონალური მოძრაობა":
"წუხელ თელავში მომხდარი მკვლელობა არ არის "ყველგან რომ ხდება" ისეთი. მკვლელმა განზრახ აირჩია ქალაქის ცენტრი. მსხვერპლს მოაკითხა მოტოციკლით, გადმოიღო ავტომატი, ჩაცხრილა ადამიანი და მშვიდად გაეცალა იქაურობას. სანამ მთავრობა თვითკმაყოფილებაშია ჩაფლული, ცხადად და ხილულად ბრუნდება შევარდნაძის დრო, ყველა თავისი ატრიბუტით - ქალაქის ცენტრებში მაფიოზური მკველობებით, სოსო ალავიძეებით, თენგიზ კიტოვანებით და ნეტკაჩოვის სპეცრაზმელებით. დროზე უნდა გავუსწოროთ რეალობას თვალი და, სანამ გვიან არ არის, შევაჩეროთ ივანიშვილის მიერ ქვეყნის უფსკრულისკენ გამაოგნებელი სისწრაფით თრევა. ვთქვათ სიმართლე - ყოველი შემოხაზული 41 სწორედ ამ უფსკრულში გადაჩეხვისკენ გადადგმული ნაბიჯი", - ამბობს კანდელაკი.
შეგახსენებთ, რომ არსებული ინფორმაციით, მოკლული მამაკაცი წარსულში ნასამართლევი არჩილ მაისურაძეა, იგივე "სტარიჩოკაა". ერთ-ერთი ვერსიით, მკვლელობის მიზეზად 12 წლის წინ მომხდარი მკვლელობის გამო შურისძიება სახელდება.
