ჯერ უცნობია, აღდგება თუ არა დღეს რიკოთის უღელტეხილზე ავტოტრანსპორტის მოძრაობა
ჯერჯერობით უცნობია, აღდგება თუ არა დღეს რიკოთის უღელტეხილზე ავტოტრანსპორტის მოძრაობა. როგორც "ინტერპრესნიუსს" საავტომობილო გზების დეპარტამენტში განუცხადეს, გზის ძირითადი ნაწილი უკვე გაწმენდილია, თუმცა რიკოთის შესასვლელი დასავლეთის მხრიდან კლავ გადაკეტილია. მათივე ინფორმაციით, გაწმენდითი სამუშაოები ღამით შეჩერდა და დილიდან კვლავ აღდგება.
"მთის ჩამონაშალი რაც იყო, ძირითადი ნაწილი უკვე გაწმენდილია. ახლა უკვე ველოდებით შესაბამისი სამსახურებიდან დასკვნას უსაფრთხოებაზე. როდესაც მივიღებთ დასკვნას, რომ გადაადგილება არის უსაფრთხო, გზა მაშინვე გაიხნება", - აღნიშნეს საავტომობილო გზების დეპარტამენტში.
ხუთშაბათს თბილისი-სენაკი-ლესელიძის საავტომობილო გზის 146-ე კმ-ზე (რიკოთის გვირაბის დასავლეთი მხარე) დიდი მოცულობის მიწისა და კლდის ჩამოშლის გამო, გზის სავალი ნაწილი მთლიანად ჩაიკეტა. საავტომობილო გზების დეპარტამენტის ინფორმაციით, ავტოტრანსპორტის მოძრაობა, გარდა მისაბმელიანი და ნახევრადმისაბმელიანი ავტოტრანსპორტისა, შესაძლებელია გომი-საჩხერე-ჭიათურა-ზესტაფონის გზის გავლით.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
