60 წლის ქალს ჯიპი დაეჯახა და შემდეგ სატვირთოს ბორბლებში ჩავარდა - ტრაგედია დიდუბის მეტროსთან
დიდუბის მეტროს მიმდებარე ტერიტორიაზე ავტოსაგზაო შემთხვევისას გარდაცვლილი ქალის ცხედარი პროზექტურაში გადაასვენეს.
როგორც "ინტერპრესნიუსთან" საუბარში თვითმხილველები აცხადებენ, გარდაცვლილ ქალს თავდაპირველად თეთრი ფერის ჯიპი დაეჯახა.
"60 წლამდე ქალი პარკებით ხელში გადმოდიოდა გზაზე, როდესაც მას თეთრი ფერის ჯიპი დაეჯახა. შეჯახების შედეგად, ქალი ინერციით წავიდა და სატვირთო ავტომობილს უკანა ბორბლებში ჩაუვარდა. იგი ადგილზევე გარდაიცვალა. სატვირთო ავტომობილის მძღოლს ადგილიდან მიმალვა არ უცდია, თუმცა თეთრი ჯიპი ადგილიდან იმ წუთში მიიმალა", - განაცხადა თვითმხილველმა ია მხეიძემ.
მისივე თქმით, საპატრულო პოლიციის და სასწრაფო დახმარების ბრიგადები შემთხვევის ადგილზე მალევე მივიდნენ.
როგორც "ინტერპრსენიუსს" შს სამინისტროში განუცხადეს, სატვირთო ავტომობილის მძღოლს შემთხვევის ადგილიდან მიმალვა არ უცდია. საქმე აღძრულია 276-ე მუხლის მეხუთე ნაწილით და მიმდინარეობს საგამოძიებო მოქმედებები.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
