ქართველი მამაკაცი ბელორუსში თვითმფრინავის გატაცებას ცდილობდა - ბორტზე 32 მგზავრი იმყოფებოდა, მათ შორის მცირეწლოვანი

ბელორუსიის უშიშროების სამსახურმა საქართველოს მოქალაქე დააკავა, რომელიც ქუთაისი-მინსკის თვითმფრინავის გატაცებას აფეთქების მუქარით ცდილობდა. როგორც რუსული მედია წერს, საქართველოს მოქალაქე თვითმფრინავის ევროპის ერთ-ერთი ქვეყნის მიმართულებით გატაცებას გეგმავდა.

თვითმფრინავის ბორტზე 32 მგზავრი იმყოფებოდა, მათ შორის ერთი მცირეწლოვანი ბავშვი.

"მფრინავების პროფესონალიზმის შედეგად, თვითმფრინავი ბელორუსიის საერთაშორისო აეროპორტ "მინსკში" დაეშვა", - ნათქვამია ინფორმაციაში.

საქართველეოს მოქალაქესთან, რომელიც 1973 წელს არის დაბადებული, მოლაპარაკება შედგა და ის დათანხმდა თვითმფრინავის ბორტი დაეტოვებინა. ამის შემდეგ საქართველოს მოქალაქე სამართალდამცვებს ჩაბარდა.

მის წინააღმდეგ სისხლის სამართლის საქმე აღიძრა.