"ნაციონალური მოძრაობის" ლიდერებს ცაგერში კვერცხები ესროლეს

"ერთიანი ნაციონალური მოძრაობის" ინფორმაციით, "ქართული ოცნების" ადგილობრივმა აქტივისტებმა ცაგარში მათი შეხვედრის ჩაშლა სცადეს.

როგორც "ინტერპრესნიუსს" გიგი წერეთელმა განუცხადა, როცა გიგა ბოკერია, გიგი უგულავა და პარტიის სხვა წარმომადგენლები ამომრჩევლებთან შეხვედრას მართავდნენ, "რაღაც ჯგუფი მივიდა", ისროლეს კვერცხები, ადგილი ჰქონდა გარკვეულ გაწევ-გამოწევას.

"აღსანიშნავია, რომ ეს ფაქტი მოხდა ერთი საათში მას შემდეგ, რაც ხელისუფლების მხრიდან გაკეთდა განცხადება იმის შესახებ, რომ ემიჯნება ყოველგვარ ძალადობას და არ დაუშვებს საარჩევნო პროცესის ძალადობით წარმართვას. ამოცნობილი არიან ინციდენტში მონაწილე პირები, გამოქვენდება მათი გვარები, მომხდარი ასახულია ვიდეოზე. ველით, რა რეაგირებას მოახდენს ხელისუფლება", – აღნიშნა გიგი წერეთელმა.

"ინტერპრესნიუსი"