მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საუკუნის შემდეგ დავით კაკაბაძე პარიზს გამოფენით უბრუნდება
07:27 / 09-06-2014
კულტურის სამინისტროსა და კომპანია "სილქნეტის" ინიციატივით პარიზის მაიოლის მუზეუმში ქართველი გამომგონებლის, მკვლევარის, ფერმწერისა და გრაფიკოსის, დავით კაკაბაძის შემოქმედება განთავსდება და 17 სექტემბრიდან 5 თვის განმავლობაში უმასპინძლებს ხელოვნების მოყვარულთ - კონსტრუქციულ-დეკორატიული კოლაჟები, სხვადასხვა პერიოდის გრაფიკა, ზეთის და აკვარელის ნამუშევრები და კაკაბაძეების ოჯახის კოლექცია. პარიზულ ვერნისაჟამდე მხატვრის ნამუშევრები წინანდლის სახლ-მუზეუმში გამოიფინა.
კულტურისა და ძეგლთა დაცვის მინისტრმა გურამ ოდიშარიამ ხაზი გაუსვა ამ პროექტის მნიშვნელობას და აღნიშნა, რომ გამოფენა საქართველოსა და ევროკავშირის კულტურული დაახლოების პროგრამის ფარგლებში პარიზში 2015 წლის 15 თებერვლამდე გასტანს". საფრანგეთში დავით კაკაბაძესთან ერთად გამოფენის მასპინძელი სრულიად საქართველო იქნება. ამ პროექტის ფარგლებში პარიზული გამოფენის ნაწილი დღეს წინანდალშია წარმოდგენილი", - აღნიშნა მინისტრმა.
კომპანია სილქნეტის კომერციული დირექტორი ბაჩო ჩინჩალაძე: "კომპანიისთვის დიდი პატივია ამ პროექტში მონაწილეობა. სილქნეტი ყოველ წელს 1 ან 2 დიდ კულტურულ პროექტს უჭერს მხარს. გასულ წელს ეს იყო ახალგაზრდა ჯაზ-ვირტუოზის ბექა გოჩიაშვილის ალბომისა და "რამიშვილების" მოდერნისტული ბალეტის დადგმის სპოსორობა. წლეულს კომპანია თავის კულტურულ საქმიანობას ქართველ ფერმწერს, გრაფიკოსს, თეატრისა და კინოს მხატვარს, ხელოვნების მკვლევარს, ხელოვნების თეორეტიკოსს და გამომგონებელს დავით კაკაბაძის სახელს დაუკავშირებს. პარიზული გამოფენა კიდევ ერთხელ შეახსენებს მსოფლიოს დავით კაკაბაძის, და ზოგადად საქართველოს, როგორც მნიშვნელოვანი კულტურული კერის არსებობას".
მარიამ კაკაბაძე - დავით კაკაბაძის ფონდის ხელმძღვანელი: "საუკუნის შემდეგ დავით კაკაბაძე გამოფენით უბრუნდება პარიზს. ოჯახის კოლექციიდან 40-მდე ნამუშევარი შეირჩა, რომლის ნაწილი დღეს წინანდალშია გამოფენილი. მათ შორისაა კონსტრუქციულ-დეკორატიული კოლაჟები და სხვადასხვა პერიოდის გრაფიკა, ზეთის და აკვარელის ნამუშევრები".
დავით კაკაბაძის შემოქმედება ღრმა ცოდნასა და გამორჩეულ შემოქმედებით პრინციპებს ეფუძნებოდა. ის მსოფლიო ხელოვნების განვითარების ლოგიკური ჯაჭვის ნაწილი იყო. იგი ცხოვრობდა და ქმნიდა პიკასოს, ბრაკის, ერნესტის, მიროს, ლეჟეს და სხვათა გვერდით. მხატვარი პარიზში "დამოუკიდებელ მხატვართა საზოგადოების" ყოველწლიურ გამოფენებში იღებდა მონაწილეობას, კითხულობდა ლექციებს ხელოვნებაზე, მუშაობდა სტერეოკინოს გამოგონებაზე, აქვეყნებდა თეორიულ ნაშრომებს ქართულ და ფრანგულ ენებზე. ნიუ-იორკმაც დააფასა ქართველი შემოქმედი. იელის გალერეის დარბაზებში კაკაბაძის სკულპტურა "Z, განგმირული თევზი" (1926) და მისივე 16 აკვარელი (1921), მონდრიანის, გაბოს, კანდინსკის, დუშანის, მენ რეის, ბრანკუსის, პევზნერის, ბოჩიონის, მოჰოლი-ნაგის, მალევიჩის და სხვა მხატვართა საუკეთესო ნამუშევრების გვერდით 1926 წელს ამერიკელმა კოლექციონერმა და მხატვარმა, ავანგარდული ხელოვნების აპოლოგეტმა ქეთრინ დრაიერმა განათავსა.
მხატვრის "ქართული პერიოდი" მხოლოდ ფერწერისა და გრაფიკული ნამუშევრების პერიოდს არ მოიცავს. აფორმებს სპექტაკლებს, ოპერას (პიკის ქალი) ითვლება თავისი დროის საუკეთესო დეკორატორად. ჩართულია კინოშემოქმედებაში (ჯიმ შვანთე, აკაკის აკვანი). მუშაობდა თბილისის სამხატვრო აკადემიის პროფესორად.
მის გარეშე წარმოუდგენელია ქართული მოდერნიზმი და ქართული სოცრეალიზმი.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
