29
მაისიდღის ზოგადი ასტროლოგიური პროგნოზი
"ნაციონალური მოძრაობის" ერთ-ერთი ლიდერი გივი თარგამაძე თავდაცვის ყოფილ მინისტრ თეგიზ კიტოვანთან დავავშირებით "ფეისბუქის" პირად გვერდზე პოსტს აქვეყნებს.
"კიტოვნმა საქართველოში რუსების მთავარი შეკვეთა შეასრულა, მერე გრაჩოვთან, იგივე "პაშა მერსედესთან" ცხოვრობდა მოსკოვში. ეხლა ჩამოვიდა, "ბიჭებისთვის" იარაღის ტარების უფლებას ითხოვს, კახეთში ოფისებს ხსნის და გაურკვეველი, მაგრამ აშკარად რუსული მოტივით პანკისისკენ იწევს. პარლამენტის ფაქტობრივი მმართველი ვოლსკი მის მიმართ სიპათიას გამოხატავს. აბა სხვას კი არაფერს ვამბობ ამდენი ხანია...", - წერს თარგამაძე.
საპარლამენტო უმრავლესობის წევრი გია ვოლსკის შეფასებით, "თავდაცვის ყოფილ მინისტრ თენგიზ კიტოვანსაც ჰქონდა ბევრი დადებითი".
როგორც ვოლსკიმ კიტოვანის გეგმების კომენტირებისას განაცხადა, "ყოფილ მაღალჩინოსანს სახელმწიფო საქმეებში ჩარევის სურვილი აქვს, მაგრამ ის ფორმა, რაც მან აირჩია, არასწორია".
"მას უნდა, რომ იყოს ჩართული, მაგრამ ასეთი ფორმით ჩართვა არასწორია", - აღნიშნა გია ვოლსკიმ.
შეგახსენებთ, რომ კიტოვანმა საქართველოში "სამოქალაქო ანტიტერორისტული ორგანიზაცია" შექმნა. დამფუძნებლების თქმით, "ორგანიზაციის მთავარი მიზანი ქვეყანაში ნეგატიური მოვლენების და საფრთხის თავიდან აცილება იქნება". ამასთან, კიტოვანი საკუთარ ორგანიზაციაში შემავალი პირებისთვის იარაღის ტარების უფლების მიცემას ითხოვს.
