მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გარდაბანში ვითარება დაიძაბა
07:41 / 29-05-2014
გარდაბანის ცენტრში ვითარება დაიძაბა. როგორც "ინტერპრესნიუსის" ადგილობრივი კორესპონდენტი იუწყება, ადგილობრივი აზერბაიჯანელი მოქალაქეები საპროტესტო აქციას მართავენ და ქართველებს შეურაცხყოფაში ადანაშაულებენ.
შეკრებილები აცხადებენ, რომ გარდაბანში წუხელ მომხდარი დაპირისპირება პოლიტიკასთან კავშირში არ არის. მათი განცხადებით, დაპირისპირება ეთნიკურ ნიადაგზე მოხდა, მას შემდეგ, რაც ქართველებმა აზერბაიჯანელებს დასცინეს.
საპროტესტო აქციაზე ცოტა ხნის წინ ქვემო ქართლის გუბერნატორი გიორგი მღებრიშვილი იმყოფებოდა, რომელიც შეეცადა ვითარების განმუხტვას, თუმცა საპროტესტო აქციის მონაწილეებმა მისი მოსმენა არ ისურვეს.
წუხელ, გარდაბანში რამდენიმე ათეული ადამიანი ერთმანეთს ფიზიკურად დაუპირისპირდა. გავრცელებული ინფორმაციით, დაპირისპირება "ნაციონალური მოძრაობისა" და "ქართული ოცნების" წევრებსა და აქტივისტებს შორის მოხდა. ვითარების განმუხტვას თავდაპირველად პოლიცია ცდილობდა, მოგვიანებით კი სპეცდანიშნულების რაზმი ჩაერია.
გარდაბნის მუნიციპალიტეტის გამგებლის მოვალეობის შემსრულებელი ამბაკო ავალიანი აცხადებს, რომ დაპირისპირების პროვოცირება "ნაციონალური მოძრაობის" გარდაბნის ორგანიზაციის თავმჯდომარის მიერ მართულმა "ზონდერ ჯგუფმა" მოახდინა.
ამასთან, გარდაბანში გუშინ მომხდარ დაპირისპირებასთან დაკავშირებით გამოძიება დაიწყო. როგორც "ინტერპრესნიუსს" საქართველოს შინაგან საქმეთა სამინისტროში განუცხადეს, გამოძიება სისხლის სამართლის კოდექსის 239-ე მუხლის პირველი ნაწილით მიმდინარეობს, რაც ხულიგნობას გულისხმობს.
სამინისტროს ინფორმაციით, ინციდენტთან დაკავშირებით დაკავებული არავინ არ არის.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
