სერგო რატიანი ზურაბ ჭიაბერაშვილზე თავდასხმაში "ქართულ ოცნებას" ადანაშაულებს
"ნაციონალური მოძრაობის" ერთ-ერთი ლიდერი სერგო რატიანი ზურაბ ჭიაბერაშვილზე განხორციელებულ თავდასხმაში "ქართულ ოცნებას" ადანაშაულებს.
როგორც "ინტერპრესნიუსს" რატიანმა განუცხადა, ყველაფერი "ქართული ოცნების" პოლიტიკიდან მოდის, რომელიც სიძულვილის ენაში, დანაშაულის მფარველობასა და ძალადობის წაქეზებაში გამოიხატება.
"ინციდენტი მოხდა იმიტომ, რომ "ქართული ოცნების" პოლიტიკა არის სიძულვილის ენის, მიმართულია ძალადობის წაქეზებისკენ. ეს უკვე მერამდენე ფაქტია. ამიტომ ის რაც მოხდა, იმ პოლიტიკის შედეგია, რომელსაც წელიწადნახევარია "ქართული ოცნება" ეწევა - ის თესავს სიძულვილს, ადგილი აქვს დანაშაულის მფარველობას და პირდაპირ წაქეზებას", - განუცხადა "ინტერპრენიუსს" სერგო რატიანმა.
რატიანი მომხდარში პასუხისმგებლობას პარლამენტსაც ანიჭებს.
"ჩვენ ვითხოვდით ნუგზარ წიკლაურის ცემის, შალვა თათუხაშვილის გარდაცვალების საქმის პარლამენტის მიერ გამოძიებას, რაზეც პასუხისმგებლობა პარლამენტმა თავიდან აიცილა. ახლა არამარტო მთავრობა, არამედ პარლამენტი თანამონაწილეა იმ ყველაფრისა, რაც ხდება", - აცხადებს რატიანი.
ზურაბ ჭიაბერაშვილს და ნოდარ ლადარიას აბაშიძის #22-ში მდებარე "ლიტერატურულ კაფეში" რეზო თაბუკაშვილი უმცროსი და რეჟისორი გიორგი მგელაძე დაესხნენ თავს.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
