მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვახუშტი მენაბდე - პრეზიდენტმა დღევანდელი აქტით საკუთარ პრივილეგიას გაუსვა ხაზი
04:36 / 27-05-2014
"ადამიანის უფლებების სწავლებისა და მონიტორინგის ცენტრის" ხელმძღვანელის ვახუშტი მენაბდეს აზრით, "პრეზიდენტის დღევანდელი გადაწყვეტილების სამართლებრივი აუცილებლობა არ არსებობდა, თუმცა პოლიტიკურად რეალობაში ეს კარგად ჩაჯდა".
ამის შესახებ "ინტერპრესნიუსს" ვახუშტი მენაბდემ საქართველოს პრეზიდენტის, გიორგი მარგველაშვილის მიერ ასოცირების ხელშეკრულებაზე ხელმოწერის უფლებამოსილების პრემიერ-მინისტრისთვის გადაცემის გადაწყვეტილების კომენტირებისას განუცხადა.
"არის რამდენიმე პირი, ვისაც აქვს უფლება, ასოცირების ხელშეკრულებას მოაწეროს ხელი ყოველგვარი სპეციალური უფლებამოსილების გარეშე, მათ შორისაა პრეზიდენტი, პრემიერი და საგარეო საქმეთა მინისტრი. ასე რომ, პრემიერის მიერ ხელმოწერის შემთხვევაში ამ ხელმოწერის ლეგიტიმურობა და ავთენტურობა კითხვის ნიშნის ქვეშ არ დადგებოდა, მაგრამ ჩვენ ვსაუბრობდით იმაზე, თუ ვისი იყო პირველადი უფლებამოსილება, პირველ რიგში, ვის შეეძლო ამის გაკეთება და ცხადია, ეს იყო პრეზიდენტი. უბრალოდ პრეზიდენტის მიერ დღეს გამოცემული აქტით, მან ხაზი გაუსვა საკუთარ პრივილეგიას. ჩემი აზრით, ეს მისი მხრიდან ძალიან საინტერესო ნაბიჯი იყო და რამდენიმე რამეს ნიშნავს: პირველი - პრეზიდენტი ამბობს, რომ მე ვწყვეტ, ვინ აწერს ხელს და კი ბატონო, ეს იყოს პრემიერ-მინისტრი, თუ მას უნდა; მეორე - ამ აქტით მან წერტილი დაუსვა დისკუსიას, რომელიც საერთაშორისო დონეზე შესაძლოა, გარკვეულ უხერხულობებს წარმოშობდა იმ თემაზე, ქვეყანაში თანხმდება თუ არა ორი პირი ამ ხელმოწერის პრივილეგიაზე; მესამე - მნიშვნელოვანია ის, რომ მომავალში შესაძლო ნებისმიერი დავა, არის თუ არა ლეგიტიმური პრემიერის მიერ ხელმოწერა, ასევე მთავრდება პრეზიდენტის ამ აქტით", - განაცხადა ვახუშტი მენაბდემ.
მისივე შეფასებით, პრეზიდენტის დღევანდელი ნაბიჯი სინამდვილეში არის არა უფლებამოსილების მინიჭება პრემიერ-მინისტრისთვის ხელმოწერაზე, არამედ უფრო პოლიტიკური ნაბიჯი.
"ეს აუცილებელი არ იყო, მაგრამ პრეზიდენტს ჰქონდა ეს შესაძლებლობა და მან გამოიყენა იგი. სამართლებრივად ამის არანაირი აუცილებლობა არ იდგა, თუმცა ეს იყო შესაძლებლობა, რაც პრეზიდენტმა გამოიყენა და ძალიან კარგად ჩაჯდა იმ პოლიტიკურ რეალობაში, რომელიც დღეს არსებობს. აქ სამართლებრივ დარღვევა არაფერი არ არის პრეზიდენტის მხრიდან, თუმცა არც გარდაუვალი აუცილებლობა იყო სამართლებრივად და პოლიტიკურად, ეს ძალიან კარგად ჩაჯდა არსებულ რეალობაში", - დასძინა მენაბდემ.
საქართველოს პრეზიდენტის საპარლამენტო მდივანმა, დავით პატარაიამ დღეს განაცხადა, რომ საქართველოს პრეზიდენტმა გიორგი მარგველაშვილმა ევროკავშირთან ასოცირების ხელშეკრულებაზე ხელმოწერის უფლებამოსილება ერთჯერადად პრემიერ-მინისტრს გადასცა.
საქართველო ევროკავშირთან ასოცირების შეთანხმებას ბრიუსელში, 2014 წლის 27 ივნისს მოაწერს ხელს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
