გურჯაანში პირველყოფილი ადამიანის სადგომს შეისწავლიან

გურჯაანის მუნიციპალიტეტის სოფელ ზიარში უახლოეს პერიოდში არქეოლოგიური სამუშაოები დაიწყება. სპეციალისტები სოფლის მიმდებარე ტერიტორიაზე არსებული კაჟის ბუნებრივ ქანებს შეისწავლიან.

"ეს არის ძალიან მნიშვნელოვანი, დაახლოებით ნახევარილმილიონი წლის წინანდელი არქეოლოგიური ძეგლი, პირველყოფილი ადამიანის ღია ტიპის სადგომი სახელოსნო, რომელიც ერთადერთია კავკასიაში და მეცნიერების განმარტებით უნიკალურია. აქ გვხვდება კაჟის ბუნებრივი ქანები, სადაც პირველყოფილი ადამიანი თავის დროზე ნედლეულს მოიპოვებდა, ადგილზე ამუშავებდა და მისგან სხვადასხვა სამეურნეო და საბრძოლო იარაღს ამზადებდა. ეს უნიკალური ძეგლი 60-იან წლებში კახეთის არქოლოგიურმა ექსპედიციამ აღმოაჩინა, მაგრამ მაშინ ნაწილობრივ მოხდა მათი შესწავლა. სახელოსნო ტყეში დიდ ფართობზეა გაჭიმული და სოფლიდან დაახლოებით ერთი კილომეტრით არის დაშორებული. ქანები მთლიანად გაშიშვლებულია და მიწიდან არის გამოსული" - აღნიშნა გამგეობის კულტურის, განათლებისა და სოციალური განვითარების სამსახურის სპეციალისტმა თამაზ მარკოზაშვილმა.

იხილეთ ვრცლად

”სპექტრი”