ბოლო ერთი თვის გან­მავ­ლო­ბა­ში თბი­ლი­სის ბავ­შვთა კლი­ნი­კებ­ში სამი მცი­რე­წლო­ვა­ნი გარ­და­იც­ვა­ლა. 2014 წლის 16 აპ­რილს თბი­ლი­სის სა­ხელ­მწი­ფო სა­მე­დი­ცი­ნო უნი­ვერ­სი­ტე­ტის გივი ჟვა­ნი­ას სა­ხე­ლო­ბის პე­დი­ატ­რი­ის აკა­დე­მი­ურ კლი­ნი­კა­ში 2 წლი­სა და 4 თვის ნი­კო­ლოზ კე­თი­ლა­ძე სეფ­სი­სის დი­აგ­ნო­ზით გარ­და­იც­ვა­ლა. რო­გორც ნი­კო­ლო­ზის მშობ­ლე­ბი აცხა­დე­ბენ, ბავ­შვი კლი­ნი­კა­ში მარ­ჯვე­ნა ფილ­ტვის ან­თე­ბის დი­აგ­ნო­ზით მო­ა­თავ­სეს, თუმ­ცა, მე­ექსვსე დღეს სეფ­სი­სის დი­აგ­ნო­ზით და­ი­ღუ­პა. ნი­კო­ლო­ზის მამა, გი­ორ­გი კე­თი­ლა­ძე აცხა­დებს, კლი­ნი­კა­ში მო­თავ­სე­ბი­დან მე­ო­თხე დღეს ბავ­შვი და­სივ­და და ტან­ზე სის­ხლჩაქ­ცე­ვე­ბი გა­უჩ­ნდა:

"რო­დე­საც ექიმს ბავ­შვის მდგო­მა­რე­ო­ბის შე­სა­ხებ ვკი­თხეთ, პა­სუხ­მა შოკ­ში ჩაგ­ვაგ­დო: მე ასე გად­მო­მა­ბა­რეს და მე რა ვიცი რა სჭირ­სო", - ამ­ბობს გი­ორ­გი კე­თი­ლა­ძე. მისი თქმით, მი­უ­ხე­და­ვად იმი­სა, რომ პა­ცი­ენ­ტის მდგო­მა­რე­ო­ბა დღი­თი­დღე მძიმ­დე­ბო­და, მშობ­ლებს მკურ­ნა­ლი ექი­მი, დოდო გვე­ლე­სი­ა­ნი ბავ­შვის სტა­ბი­ლურ მდგო­მა­რე­ო­ბა­ზე ესა­უბ­რე­ბო­და და ეუბ­ნე­ბო­და, რომ პა­ცი­ენ­ტი სტა­ბილ­ლუ­რა­და არის, გა­სი­ე­ბა და სის­ხლჩაქ­ცე­ვე­ბი მე­ო­თხე­ხა­რის­ხო­ვა­ნია და ყუ­რა­დღე­ბას ნუ მი­აქ­ცევ­თო. გარ­დაც­ვლი­ლი ნი­კო­ლოზ კე­თი­ლა­ძის მშობ­ლე­ბი ჟვა­ნი­ას სა­ხე­ლო­ბის კლი­ნი­კის ექი­მებს გულ­გრი­ლო­ბა­სა და და არაკ­ვა­ლი­ფი­ცი­უ­რო­ბა­ში ადა­ნა­შა­უ­ლე­ბენ.

გარ­დაც­ვლი­ლის დე­დამ, ხა­ტია თე­დი­აშ­ვილ­მა სსიპ სა­მე­დი­ცი­ნო საქ­მი­ა­ნო­ბის სა­ხელ­მწი­ფო რე­გუ­ლი­რე­ბის სა­ა­გენ­ტო­ში 1 მა­ისს გან­ცხა­დე­ბაც წა­რად­გი­ნა, სა­დაც უკ­მა­ყო­ფი­ლე­ბას გა­მოთ­ქვამს სსიპ "თსსუ გ.ჟვა­ნი­ას სა­ხე­ლო­ბის პე­დი­ატ­რი­ის აკა­დე­მი­ურ კლი­ნი­კა­ში" მისი შვი­ლის, ნი­კო­ლოზ კე­თი­ლა­ძის მი­მართ გა­წე­უ­ლი სა­მე­დი­ცი­ნო დახ­მა­რე­ბის ხა­რისხთან და­კავ­ში­რე­ბით.

აღ­ნიშ­ნულ­თან და­კავ­ში­რე­ბით Ambebi.ge ჟვა­ნი­ას სა­ხე­ლო­ბის პე­დი­ატ­რი­ის აკა­დე­მი­ურ კლი­ნი­კის დი­რექ­ტორს, ლია ძი­ძი­გურს და­უ­კავ­შირ­და, თუმ­ცა მან გა­ნა­ცხა­და, რომ ვიდ­რე სა­მე­დი­ცი­ნო საქ­მი­ა­ნო­ბის სა­ხელ­მწი­ფო რე­გუ­ლი­რე­ბის სა­ა­გენ­ტო­ში საქ­მის გან­ხილ­ვა არ დას­რულ­დე­ბა, მას ნი­კო­ლოზ კე­თი­ლა­ძის საქ­მეს­თან და­კავ­ში­რე­ბით კო­მენ­ტა­რის გა­კე­თე­ბის უფ­ლე­ბა არ აქვს.

Ambebi.ge და­ინ­ტე­რეს­და, რა ეტაპ­ზეა აღ­ნიშ­ნუ­ლი საქ­მის გან­ხილ­ვა სა­მე­დი­ცი­ნო საქ­მი­ა­ნო­ბის სა­ხელ­მწი­ფო რე­გუ­ლი­რე­ბის სა­ა­გენ­ტო­ში. რო­გორც დე­პარ­ტა­მენ­ტის სა­ზო­გა­დო­ე­ბას­თან ურ­თი­ერ­თო­ბის სამ­მარ­თვე­ლოს უფ­როს­მა, ნანა ნამ­გა­ლა­ურ­მა გა­ნა­ცხა­და, ვიდ­რე საქ­მის გან­ხილ­ვა არ დას­რულ­დე­ბა, მათ რა­ი­მე ტი­პის კო­მენ­ტა­რის გა­კე­თე­ბის უფ­ლე­ბა. ამ ეტაპ­ზე მხო­ლოდ ის არის ცნო­ბი­ლი, რომ:

"სა­ა­გენ­ტოს უფ­რო­სის 2014 წლის 16 მა­ი­სის N02-271/მ ბრძა­ნე­ბის შე­სა­ბა­მი­სად, მივ­ლი­ნე­ბულ იქნა ზე­მო­აღ­ნიშ­ნულ კლი­ნი­კა­ში სა­ა­გენ­ტოს კო­მი­სია. სა­კი­თხის შეს­წავ­ლის დას­რუ­ლე­ბის­თა­ნა­ვე, მო­პო­ვე­ბუ­ლი სა­მე­დი­ცი­ნო დო­კუ­მენ­ტა­ცია გა­და­იგ­ზავ­ნე­ბა სა­რე­ცენ­ზი­ოდ შე­სა­ბა­მი­სი დარ­გის ექიმ-სპე­ცი­ა­ლის­ტებ­თან. ად­გილ­ზე შეს­წავ­ლი­სა და ექ­სპერტთა დას­კვნის სა­ფუძ­ველ­ზე, გა­და­წყდე­ბა სა­მე­დი­ცი­ნო პერ­სო­ნა­ლის, მ.შ. ექიმ­თა პრო­ფე­სი­უ­ლი პა­სუ­ხის­მგებ­ლო­ბის სა­კი­თხი. შეს­წავ­ლის შე­დე­გებს გა­ნი­ხი­ლავს სა­ქარ­თვე­ლოს შრო­მის, ჯან­მრთე­ლო­ბი­სა და სო­ცი­ა­ლუ­რი დაც­ვის სა­მი­ნის­ტროს პრო­ფე­სი­უ­ლი გან­ვი­თა­რე­ბის საბ­ჭო."

გარ­დაც­ვლი­ლი ნი­კო­ლოზ კე­თი­ლა­ძის მამა, გი­ორ­გი კე­თი­ლა­ძე მომ­ხდარს დე­ტა­ლუ­რად წე­რილ­ში აღ­წერს. Ambebi.ge უც­ვლე­ლად გთა­ვა­ზობთ წე­რილს:

"მე, გი­ორ­გი კე­თი­ლა­ძე, პა­ტა­რა ნი­კო­ლო­ზის მამა მოგ­მარ­თავთ ყვე­ლა მშო­ბელს!!! თუ თქვე­ნი პა­ტა­რის ბედი გა­ღელ­ვებთ, მო­ე­რი­დეთ თსსუ გივი ჟვა­ნი­ას სა­ხე­ლო­ბის პე­დი­ატ­რი­ის აკა­დე­მი­ურ კლი­ნი­კა­ში, რე­ა­ნი­მა­ცი­ის გან­ყო­ფი­ლე­ბა­ში ბავ­შვე­ბის მო­თავ­სე­ბას, სა­დაც პა­ტა­რე­ბის ჯან­მრთე­ლო­ბის მდგო­მა­რე­ო­ბა უფრო მძიმ­დე­ბა და შე­საძ­ლოა, ყვე­ლა­ფე­რი ფა­ტა­ლუ­რა­დაც დამ­თავ­რდეს. ამ გან­ყო­ფი­ლე­ბა­ში პერ­სო­ნა­ლის დიდ ნა­წილს სა­ერ­თოდ არ ანაღ­ვლებს თქვე­ნი პა­ტა­რე­ბის ბედი. გან­სა­კუთ­რე­ბით მინ­და აღ­ვნიშ­ნო "ექი­მი" დოდო გვე­ლე­სი­ა­ნი და დღის ექთა­ნი ლა­მა­რა მი­ნა­ძე.

დიდი ეჭვი მაქვს, რომ სა­და­ზღვეო კომ­პა­ნი­ე­ბი­დან ფუ­ლის გა­მო­ძალ­ვის მიზ­ნით ბავ­შვე­ბის ჯან­მრთე­ლო­ბის მდგო­მა­რე­ო­ბა ხე­ლოვ­ნუ­რად მძიმ­დე­ბა: არა­სა­ჭი­რო­ე­ბი­სა­მებრ აერ­თე­ბენ მარ­თვი­თი სუნ­თქვის აპა­რატ­ზე, რი­თაც აუ­ა­რე­სე­ბენ ბავ­შვე­ბის მდგო­მა­რე­ო­ბას.

ჩემი პა­ტა­რა ნი­კუ­შა კლი­ნი­კა­ში მიყ­ვა­ნის­თა­ნა­ვე მო­ა­თავ­სეს კრი­ტი­კულ გან­ყო­ფი­ლე­ბა­ში (რე­ა­ნი­მა­ცი­ა­ში). და­უდ­გინ­და მარ­ჯვე­ნა ფილ­ტვის ან­თე­ბა. მკურ­ნალ ექიმს, დოდო გვე­ლე­სი­ანს ავუხ­სე­ნი, რომ ბავ­შვი იყო ძა­ლი­ან მგრძნო­ბი­ა­რე, ვერ სძლებ­და უდე­დოდ და ვთხო­ვე, მი­ე­ცათ დე­დის­თვის მისი ხში­რი ნახ­ვის სა­შუ­ა­ლე­ბა. ეს თხოვ­ნა გან­პი­რო­ბე­ბუ­ლი იყო არა იმით, რომ რო­გორც ზო­გა­დად ყვე­ლა მშო­ბელს, გვინ­დო­და ჩვენს შვილ­თან ყოფ­ნა, არა­მედ იმით, რომ ვი­ცო­დით, უჩ­ვე­ნოდ ყოფ­ნის შემ­თხვე­ვა­ში ბავ­შვი ფსი­ქო­ლო­გი­ურ სტრესს მი­ი­ღებ­და და ბრძო­ლი­სუ­ნა­რი­ა­ნო­ბას და­კარ­გავ­და. ამის მა­გა­ლი­თი ადრე უკვე გვქონ­და.

ექი­მი დაგვპირ­და, რომ დე­დას მის­ცემ­და სა­შუ­ა­ლე­ბას, ხში­რად მო­ე­ნა­ხუ­ლე­ბი­ნა ნი­კუ­შა. და­პი­რე­ბა და­პი­რე­ბად დარ­ჩა: 24 სა­ა­თის გან­მავ­ლო­ბა­ში უფ­ლე­ბა გვქონ­და მხო­ლოდ 2 – 3 წუ­თით გვე­ნა­ხა ბავ­შვი. ამის გარ­და, შვი­ლის მდგო­მა­რე­ო­ბის გა­სა­გე­ბად შეგ­ვეძ­ლო კი­დევ მხო­ლოდ ერთხელ ამ 24 სა­ათ­ში დავ­ლა­პა­რა­კე­ბო­დით ექიმს. რო­დე­საც ვთხო­ვეთ, ტე­ლე­ფო­ნის ნო­მე­რი მა­ინც მო­ე­ცა, რათა პე­რი­ო­დუ­ლად ნი­კუ­შას ჯან­მრთე­ლო­ბის მდგო­მა­რე­ო­ბა გაგ­ვე­გო – მან გვი­თხრა, რომ არ ჰქონ­და ამის უფ­ლე­ბა ( !!! ) იმ დრო­საც, რო­დე­საც შეგ­ვეძ­ლო ექიმს გავ­სა­უბ­რე­ბო­დით – იგი ძა­ლი­ან ზო­გა­დი ფრა­ზე­ბით: ბავ­შვი სტა­ბი­ლუ­რა­დაა, – ცდი­ლობ­და თა­ვი­დან მო­ვე­ცი­ლე­ბი­ნეთ. ასე ხდე­ბო­და ყვე­ლა სხვა პა­ცი­ენ­ტე­ბის მშობ­ლებ­თა­ნაც ...

ბავ­შვის სა­ა­ვად­მყო­ფო­ში მო­თავ­სე­ბი­დან მე­ო­რე დღეს, რო­დე­საც შევ­ძე­ლით მისი მო­ნა­ხუ­ლე­ბა, ნი­კუ­შა ტი­რო­და და წრი­ა­ლებ­და. იმის გამო რომ ამ წრი­ალ­ში ბავ­შვს კა­თე­ტე­რი არ მო­ეძ­რო, – იგი იყო დაბ­მულ მდგო­მა­რე­ო­ბა­ში. რო­გორც კი იგ­რძნო დე­დის გვერ­დით დგო­მა, – ნი­კუ­შა დამ­შვიდ­და და დე­დას გა­უ­ცი­ნა ექთან­მა აღ­ნიშ­ნა, რომ მთე­ლი ღა­მის გან­მავ­ლო­ბა­ში ბავ­შვს ვერ აწყნა­რებ­დნენ და თუ ასე მოქ­მე­დებ­და დე­დის და­ნახ­ვა, ხომ არ სჯობ­და მისი პა­ლა­ტა­ში დე­დას­თან ერ­თად მო­თავ­სე­ბა. დე­და­მი­სის შემ­დეგ მეც ვი­ნა­ხუ­ლე 1 – 2 წუ­თით ნი­კუ­შა, – ისევ წრი­ა­ლებ­და და ტი­რო­და.

სა­ღა­მოს ექი­მი დოდო გვე­ლე­სი­ა­ნი გა­მო­დის ჩვენ­თან სა­ლა­პა­რა­კოდ და გვიხ­სნის, რომ ბავ­შვი აპა­რატ­ზე უნდა შე­ა­ერ­თონ. დე­დის შე­კა­მა­თე­ბის შემ­დეგ გვი­თხრა, რომ სხვა­ნა­ი­რად ვერ უმ­კურ­ნა­ლებ­და (აპა­რატ­ზე შე­ერ­თე­ბის შემ­თხვე­ვა­ში ბავ­შვებს ფსი­ქოტ­რო­პუ­ლი წამ­ლე­ბით თი­შა­ვენ და აღარ წუხ­დე­ბი­ან ბავ­შვის ტი­რი­ლით).

ერთი წლით ადრე ნი­კუ­შა ბევ­რად მძი­მე მდგო­მა­რე­ო­ბით ( ორი­ვე ფილ­ტვის ტო­ტა­ლუ­რი დაჩ­რდილ­ვა ) გვეწ­ვი­ნა თემ­ქის ბავ­შვთა მე–3 სა­ა­ვად­მყო­ფო­ში, სა­დაც მთე­ლი რე­ა­ნი­მა­ცი­ის გან­ყო­ფი­ლე­ბა – გან­ყო­ფი­ლე­ბის უფ­რო­სი ბა­ტო­ნი ბესო მა­ჭა­რაშ­ვი­ლით და­წყე­ბუ­ლი და ექთ­ნე­ბით დამ­თავ­რე­ბუ­ლი, – ღა­მე­ებს ათე­ნებ­დნენ ჩვენ­თან ერ­თად, იბ­რძოდ­ნენ ნი­კუ­შას გა­დარ­ჩე­ნის­თვის და აპა­რატ­ზე შე­ერ­თე­ბას გა­ურ­ბოდ­ნენ. მკურ­ნა­ლი ექი­მის პა­ა­ტა ნემ­სა­ძის გან­მარ­ტე­ბით, – აპა­რატ­ზე შე­ერ­თე­ბი­სას ავად­მყო­ფის იმუ­ნი­ტე­ტი სუს­ტდე­ბა... იგი აღ­ნიშ­ნავ­და, რომ აპა­რატ­ზე შე­ა­ერ­თებ­და მხო­ლოდ და მხო­ლოდ იმ შემ­თხვე­ვა­ში, თუკი სხვა გზა აღარ დარ­ჩე­ბო­და. გან­ყო­ფი­ლე­ბის გამ­გე და მკურ­ნა­ლი ექი­მი არა­სა­მუ­შაო სა­ა­თებ­შიც თავ­ზე ედგნენ ნი­კუ­შას. ექთ­ნებს რა­მო­დე­ნი­მე ღა­მის გან­მავ­ლო­ბა­ში ხე­ლით ეჭი­რათ ჟანგბა­დის მილი, რომ ნი­კუ­შას­თვის სუნ­თქვა გა­ე­ად­ვი­ლე­ბი­ნათ. ამ მა­გა­ლი­თის მერე ჟვა­ნი­ას კლი­ნი­კა­ში გა­მე­ფე­ბუ­ლი ექი­მის­თვის შე­უ­ფე­რე­ბე­ლი გურგრი­ლო­ბა, ინ­დი­ფე­რენ­ტუ­ლო­ბა, უგუ­ლის­ყუ­რო­ბა და ზე­რე­ლე და­მო­კი­დე­ბუ­ლე­ბა პა­ცი­ენ­ტი­სად­მი ჩვენ­თვის შო­კის მომ­გვრე­ლი იყო...

მე­სა­მე დღეს ბავ­შვს კი­სერ­ზე ნა­წო­ლი გა­უჩ­ნდა. როცა ექიმს ვკი­თხე მი­ზე­ზი, თან და­ვა­მა­ტე, რომ ნა­წო­ლე­ბის გა­ჩე­ნის თა­ვი­დან არი­დე­ბა შე­იძ­ლე­ბა უბ­რა­ლოდ ავად­მყო­ფის გვერ­დის შე­ნაც­ვლე­ბით, ან პე­რი­ო­დუ­ლად უბ­რა­ლო ხე­ლით მა­სა­ჟით, რათა სის­ხლი ამოძ­რავ­დეს, გვი­პა­სუ­ხა, რომ ამ­დე­ნი დრო სად აქვთ... თუ დრო არ აქვთ კლი­ნი­კა­ში იმის­თვის, რომ პა­ცი­ენტს სა­თა­ნა­დო ყუ­რა­დღე­ბა მი­აქ­ცი­ონ, არ­სე­ბობს რამ­დე­ნი­მე გა­მო­სა­ვა­ლი: ან გა­ზარ­დონ პერ­სო­ნა­ლი, ან და­უშ­ვან პა­ტა­რა ავად­მყო­ფებ­თან დედა და ის არც მა­საჟს მო­აკ­ლებს და არც და­ა­მად­ლის ამას, ან იმ­დენ პა­ცი­ენტს მო­ემ­სა­ხუ­რონ რამ­დენ­საც სა­თა­ნა­დოდ მი­ხე­და­ვენ და არ და­ხარ­ბდნენ შე­მო­სა­ვალს... სხვა­თა შო­რის, სა­ა­ვად­მყო­ფო­ში მოხ­ვედ­რის დღეს გა­ვი­გეთ სხვა მშობ­ლე­ბის­გან, რომ კლი­ნი­კა­ში " მი­ღე­ბუ­ლია " ტკბი­ლე­უ­ლის შე­წო­დე­ბა მედ­პერ­სო­ნა­ლი­სათ­ვის, რათა უფრო " ტკბი­ლად " მო­ექ­ცნენ პა­ცი­ენ­ტებს. რო­დე­საც ბავ­შვის მდგო­მა­რე­ო­ბა ძა­ლი­ან დამ­ძიმ­და, ანერ­ვი­უ­ლე­ბუ­ლებს დაგ­ვა­ვი­წყდა შო­კო­ლა­დის მი­ტა­ნა. ჰმ, შე­იძ­ლე­ბა დამ­თხვე­ვა­ცაა, – მაგ­რამ სწო­რედ იმ დღეს დღის ექთა­ნი ლა­მა­რა მი­ნა­ძე გან­სა­კუთ­რე­ბით ცი­ვად და უხე­შად გვე­ლა­პა­რა­კა...

მე­ო­თხე დღეს ბავ­შვის მო­ნა­ხუ­ლე­ბი­სას ვნა­ხეთ, რომ ბავ­შვი იყო სა­შინ­ლად და­სი­ე­ბუ­ლი და ტან­ზე სის­ხლჩაქ­ცე­ვე­ბი ჰქონ­და. როცა მი­ზე­ზი მო­რი­გე ექიმს (სა­ხე­ლად ნი­ნოს, სამ­წუ­ხა­როდ გვა­რი არ ვი­ცით) ვკი­თხეთ, პა­სუხ­მა შოკ­ში ჩაგ­ვაგ­დო: მე ასე გად­მო­მა­ბა­რეს და მე რა ვი­ციო (ექი­მი ავად­მყოფს იბა­რებს ისე, რომ არ ინ­ტე­რეს­დე­ბა მისი მდგო­მა­რე­ო­ბით).

შემ­დეგ, როცა მკურ­ნალ ექიმს და­ვე­ლა­პა­რა­კეთ მან " დაგ­ვამ­შვი­და " : ბავ­შვი სტა­ბი­ლუ­რა­დაა, ეს გა­სი­ე­ბა და სის­ხლჩაქ­ცე­ვე­ბი მე­ო­თხე­ხა­რის­ხო­ვა­ნია და ყუ­რა­დღე­ბას ნუ მი­აქ­ცევ­თო. ( შემ­დეგ გა­ვი­გეთ, რომ ასე­თი და­სი­ე­ბა უკვე სეფ­სი­სის მიმ­დი­ნა­რე­ო­ბის ნი­შა­ნია ). მე­ხუ­თე დღეს ბავ­შვი რომ ვნა­ხე, ისევ და­სი­ე­ბუ­ლი იყო. სის­ხლჩაქ­ცე­ვე­ბი არ მა­ნა­ხეს: როცა მო­ვინ­დო­მე ზეწ­რის გა­დახ­და და ნახ­ვა, ექიმ­მა დოდო გვე­ლე­სი­ან­მა ამიკ­რძა­ლა: ნუ ეხე­ბი რამე ვირუ­სი არ გა­დას­დოო. ნი­კუ­შას ტუ­ჩე­ბი და­ხეთ­ქი­ლი ჰქონ­და და და­სის­ხლი­ა­ნე­ბუ­ლი, ენა გა­მომშრა­ლი. ექთან ლა­მა­რა მი­ნა­ძეს მო­რი­დე­ბით ვთხო­ვე, იქ­ნებ წყლით ან რა­მით და­უს­ვე­ლოთ, ცოდ­ვაა მეთ­ქი. პა­სუ­ხი იყო ძა­ლი­ან ცივი და უხე­ში: "რაც სა­ჭი­როა, ყვე­ლა­ფე­რი უკეთ­დე­ბა... "

ექიმ დოდო გვე­ლე­სი­ანს კი­დევ გა­ვუ­მე­ო­რეთ რამ­დენ­ჯერ­მე, რომ ნი­კუ­შას გა­სი­ე­ბა და სის­ხლჩაქ­ცე­ვე­ბი ძა­ლი­ან გვა­ში­ნებ­და. პა­სუ­ხი იგი­ვე იყო: ეს მე­ო­თხე ხა­რის­ხო­ვა­ნი­აო...

მე­ექ­ვსე დღეს ნი­კუ­შა ამ " მე­ო­თხე­ხა­რის­ხო­ვა­ნი " სეფ­სი­სით და­ი­ღუ­პა........

აი, ასე­თი " კვა­ლი­ფი­ცი­უ­რი " მედ პერ­სო­ნა­ლი მუ­შა­ობს ჟვა­ნი­ას კლი­ნი­კა­ში, ექი­მის ეთი­კა­ზე რომ არა­ფე­რი ვთქვა, ადა­მი­ა­ნუ­რო­ბა და გუ­ლის­ხმი­ე­რე­ბაც არ გა­აჩ­ნი­ათ. ბავ­შვის და­ღუპ­ვა რომ მი­თხრეს, და­ა­მა­ტეს სა­სახ­ლე თუ არ გაქვთ "კარ­დო­ნის" ყუთ­ში ჩა­გი­დებ­თო, – ( თით­ქოს სა­სახ­ლე მზად უნდა მქო­ნო­და .... ეტყო­ბა მი­აჩ­ნი­ათ, რომ როცა ბავ­შვს მათ­თან კლი­ნი­კა­ში ათავ­სებ , – პა­რა­ლე­ლუ­რად სა­სახ­ლეც უნდა და­ამ­ზა­დე­ბი­ნო ).

ბავ­შვის გარ­დაც­ვა­ლე­ბის შემ­დეგ სა­ნამ ნი­კუ­შას გა­მო­მა­ტან­დნენ, მკი­თხეს ბავ­შვის გაკ­ვე­თა ხომ არ გინ­და­თო. უარი ვუ­თხა­რი. მა­შინ ფურ­ცელ­ზე ხელი მო­მი­წე­რე­თო, მო­ვა­წე­რე. მხო­ლოდ მერე ვნა­ხე რომ გაკ­ვე­თა­ზე უა­რის გარ­და ხელი მო­მა­წე­რი­ნეს იმა­ზე, რომ მედ­პერ­სო­ნა­ლის მი­მართ არა­ნა­ი­რი პრე­ტენ­ზია არ გა­მაჩ­ნდა.

ნი­კუ­შას გარ­დაც­ვა­ლე­ბი­დან მე­სა­მე დღეს იგი­ვე გან­ყო­ფი­ლე­ბა­ში და­ი­ღუ­პა 8 თვის თეკ­ლა (სხვა­თა­შო­რის პა­ტა­რა თეკ­ლას მკურ­ნა­ლი (მკურ­ნა­ლი ??? ) ექი­მიც დოდო გვე­ლე­სი­ა­ნი იყო), რო­მე­ლიც ბრონ­ქე­ბის ან­თე­ბით იყო კლი­ნი­კა­ში მო­თავ­სე­ბუ­ლი. მის მშობ­ლებს გა­ვე­სა­უბ­რეთ და მათ­გან გა­ვი­გეთ, რომ კლი­ნი­კა­ში ჩვე­ნი პა­ტა­რე­ბის გარ­და შვი­დი დღის გან­მავ­ლო­ბა­ში კი­დევ ორი პა­ტა­რა და­ღუ­პუ­ლა...

მივ­მარ­თავ ჟვა­ნი­ას კლი­ნი­კის დი­რექ­ცი­ას: სა­ა­ვად­მყო­ფო­ზე გან­თავ­სე­ბუ­ლი აბრა, სა­დაც წე­რია " გ. ჟვა­ნი­ას სა­ხე­ლო­ბის სა­უ­ნი­ვერ­სი­ტე­ტო პე­დი­ატ­რი­ის აკა­დე­მი­უ­რი კლი­ნი­კა " , ჩა­მოხ­სნან და მის მა­გივ­რად და­კი­დონ აბრა, სა­დაც და­წე­რი­ლი იქ­ნე­ბა – "ბავ­შვე­ბის სა­საკ­ლაო".

სა­ლო­მე ში­ხაშ­ვი­ლი, Ambebi.ge