ზესტაფონში უსახლკარო ოჯახმა მიცვალებული რკინიგზის სადგურში დაასვენა
სოციალურად დაუცველ ოჯახს მიცვალებული ზესტაფონის რკინიგზის სადგურში ჰყავდა დასვენებული. როგორც topnews.cом.gе-ს ზესტაფონის რკინიგზის სადგურის უფროსმა რამაზ ფერაძემ განუცხადა, გამთენიისას სადგურში მგზავრი გარდაიცვალა, როცა ოჯახის წევრებს დაურეკეს და შემთხვევის შესახებ შეატყობინეს, მათ განაცხადეს, რომ მიცვალებულს ვერ წაიყვანდნენ, რადგან სახლი არ ჰქონდათ.
"ამის გამო რამდენიმე საათი მიცვალებული ზესტაფონის სადგურში იყო დასვენებული. სოციალურად დაუცველი ოჯახი ყოფილა. სახლ-კარი არ გააჩნდა, ამიტომ ღამეს ხან სად ათევდა და ხან სად. დილას 6 საათზე გარდაიცვალა და შუადღეს საქმის კურსში ჩავაყენეთ ოჯახის წევრები. როცა მოვიდნენ, გვითხრეს, რა ვქნათ, სახლი ჩვენ არ გვაქვს რომ წავიყვანოთ და ფულიც არაა სასახლე რომ ვიყიდოთო. მერე როგორც ვიცი, გამგეობა დაეხმარა და მიცვალებული სადგურიდან გადაასვენეს," - აცხადებს რამაზ ფერაძე.
წყარო: topnews.com.ge
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
