ნინო ჟიჟილაშვილი - არის ინფორმაცია, რომ ვახო სანაიას გადაცემის კრიტიკა ბიძინა ივანიშვილის რეაქციის შედეგია

ტელეკომპანია "მაესტროს" საინფორმაციო სამსახურის უფროსის ნინო ჟიჟილაშვილის თქმით, არის ინფორმაცია, რომ ვახო სანაიას გადაცემის კრიტიკა ბიძინა ივანიშვილის რეაქციის შედეგია. ამის შესახებ ჟიჟილაშვილმა გუშინ, "მაესტროს ცხრიანში" განაცხადა.

"ჩვენ გვაქვს ასეთი ინფორმაცია, გადამოწმებული რამდენიმე წყაროსთან, რომ ამ გადაცემას (ვახო სანაიას "რეპოტაჟი") მოგვიანებით უყურა ყოფილმა პრემიერ-მინისტრმა ბიძინა ივანიშვილმა და მისი მწვავე რეაქციის შედეგია, რომ დღეს, სამშაბათს, საკმაოდ მოგვიანებით, მაშინ, როდესაც მოქმედი პრემიერ-მინისტრი არ არის საქართველოში, სწორედ ამიტომ დაჩქარებული წესით გაკეთდა ასეთი ტიპის განცხადება, რომელშიც ფაქტობრივი მასალა ფაქტობრივად არ იყო", - აღნიშნა ნინო ჟიჟილაშვილმა.

"ინტერპრესნიუსი"