17
ივლისიდღის ზოგადი ასტროლოგიური პროგნოზი
საქართველოს პარლამენტის ბიუჯეტი მომავალი წლისათვის 54 მილიონ 695 ათასი ლარი იქნება, წლევანდელთან შედარებით, 2 მილიონ 604 ათასი ლარით მეტი. გაზრდილი თანხა შრომითი ანაზღაურების ზრდას და ავტოპარკის განახლებას მოხმარდება.
"საქართველოს პარლამენტის 2015 წლის ბიუჯეტის პროექტის დამტკიცების შესახებ" დადგენილება კანონმდებლებმა უკვე მიიღეს და ამ დოკუმენტით მთავრობას მიმართეს, თუ რა ოდენობით უნდა განსაზღვროს უმაღლესი საკანონმდებლო ორგანოსთვის თანხა 2015 წლის სახელმწიფო ბიუჯეტში. მთავრობას უფლება არ აქვს, აღნიშნული პარამეტრი შეამციროს, მას შეუძლია ეს პარამეტრები მხოლოდ გაზარდოს.
როგორც პარლამენტში განმარტავენ, დადგენილებით დამტკიცებული პარამეტრები სრულად შეესაბამება 2014 წლის ბიუჯეტის პროექტის დამტკიცების დროს მიღებულ საპროგნოზო პარამეტრებს.
ამ თემაზე "ინტერპრესნიუსი" საფინანსო-საბიუჯეტო კომიტეტის თავმჯდომარის პირველი მოადგილეს ნოდარ ებანოიძე ესაუბრა.
"პარლამენტმა მთავრობას გადასცა პარლამენტის ბიუჯეტის 2015 წლის პარამეტრი და 2016, 2017 წლების პროგნოზი. 2015 წლისათვის განსაზღვრულია 54 მილიონ ლარზე მეტი, რაც მიმდინარე წლის ბიუჯეტთან შედარებით 2 მილიონ 604 ათას ლარზე მეტია. 5%-5%-იანი ზრდაა შემდეგი წლებისთვის. აღნიშნული პარამეტრები განისაზღვრა 2014 წლის სახელმწიფო ბიუჯეტის დამტკიცების დროს და, რაც ახლა მთავრობას გადაეცა, არის იგივე. მომავალი წლისათვის იქნება პარლამენტის აპარატის თანამშრომელთა ანაზღაურების ზრდა, რადგან ყველაზე დაბალი შრომითი ანაზღაურება, სამწუხაროდ, პარლამენტშია. გარკვეული თანხა - 368 ათასი მიმართულია არაფინანსური აქტივების ზრდაზე. ამასთან, წელს გათვალისწინებული იყო საავტომობილო პარკის შეცვლა. იმის გამო, რომ თბილისში მდებარე პარლამენტის შენობამ დაგეგმილზე მეტი სამუშაო მოითხოვა, წელს ავტოპარკინგის განახლებისთვის თანხები არ დარჩება. საავტომობილო პარკი მძიმე მდგომარეობაშია და წელს დაგეგმილი ღონისძიებების მომავალი წლისათვის გადადება მოგვიწევს", - განუცხადა "ინტერპრესნიუსს" ნოდარ ებანოიძემ.
