3
ივნისიდღის ზოგადი ასტროლოგიური პროგნოზი
დღეს გამართულ სასულიერო პირებისა და მრევილის აქცია-მსვლელობას, სახელწოდებით "17 მაისი ოჯახის სიმტკიცის დღეა", სოციალურ ქსელებში სხვადასხვა საინტერესო გამოხმაურება მოჰყვა. მაშინ, როდესაც ანტიდისკრიმინაციული კანონის მოწინააღმდეგეები დედაქალაქის ქუჩებში აქტიურობდნენ, ისინი, ვინც მათ მსვლელობას სკეპტიკურად უყურებდნენ, სოციალურ ქსელებში ეხმაურებოდნენ. მათ შორის იყო მწერალი მალხაზ ხარბედია, რომელიც მსვლელობას Facebook-ზე სტატუსების განახლებით ეხმაურებოდა.
Facebook/ მალხაზ ხარბედია, მწერალი:
"ტაბურეტკიდან დგება მუმია, რა სიჩუმეა, რა სიჩუმეა!"
"ბოლო მონაცემებით, ოჯახი ისე განმტკიცდა, რომ გაქვავდა!", - ასე ეხმაურება ხარბედია იჯახის სიმტკიცის დღეს გამართულ მსვლელობას.
შეგახსენებთ, რომ დღეს მსოფლიო ჰომოფიასთან ბრძოლის საერთაშორისო დღეს აღნიშნავს, თუმცა გასული წლის ცნობილი მოვლენების გამო, დღევანდელ დღეს სოლიდარობის აქციის გარეშე შეხვდა საქართველო, თუმცა სექსუალური ორიენტაციის ნიშნის გამო დისკრიმინირებულთა და ჰომოფობიის მსხვერპლთა მიმართ სოლიდარობამ ერთგვარად სოციალურ ქსელებში გადაინაცვლა. გთავაზობთ კიდევ ერთი მწერლის, ტორესა მოსის გამოხმაურებას:
Facebook/ ტორესა მოსი, მწერალი:
"დღეს მსოფლიო აღნიშნავს ჰომოფიასთან ბრძოლის საერთაშორისო დღეს. სამწუხაროდ მსოფლიოს მრავალ ქვეყანაში, ჩვენი დები და ძმები ყოველ დღიურად ხდებიან დისკრიმინაციის, ჩაგვრისა და ძალადობის მსხვერპლი მათი განსხვავებული სექსუალური ორიენტაციისა და იდენტობის გამო. მე სოლიდარობას გამოვხატავ მათ მიმართ. პატივს მივაგებ ყველა იმ ადამიანის ხსოვნას, რომლებიც უშუალოდ გახდნენ სიძულვილისა და ძალადობის მსხვერპლნი.
ვინაიდან საქართველოში უმრავლესობამ მათ სახლში ყოფნა მიუსაჯა და ვინაიდან მათ მოუწოდებენ არ გამოხატონ საკუთარი თავი, აიძულებენ დაიმალონ და იცხოვრონ მუდმივ ფსიქოლოგიურ ზეწოლაში, ვინაიდან მათ არ აძლევენ საშუალებას იცხოვრონ თანასწორად და ღირსეულად საქართველოს დემოკრატიულ რესპუბლიკაში, მე გამოვხატავ სოლიდარობას მათ მიმართ და ვაცხადებ რომ 17 მაისს მე არ გამოვალ გარეთ არანაირი საჭიროების გამო და გავიზიარებ მათ ბედს საკუთარი ნებითა და სურვილით. მე მწამს რომ ადრე თუ გვიან ბოროტება და სიძულვილი განსხვავებული ადამიანების მიმართ დამარცხდება და მის ადგილს დაიკავებს სიყვარული, თანაგრძნობა და სოლიდარობა და ამისთვის მე პირადად გავაკეთებ ყველაფერს, რადგან ღრმად მწამს რომ ჭეშმარიტებისკენ მიმავალი გზა მხოლოდ სიყვარულზე და თანაგრძნობაზე გადის და ჩვენ ბიოლოგიური სახეობიდან, სულიერ ადამიანებად გვაქცევს სწორედ სიყვარულისა და თანაგრძნობის უნარი არა მხოლოდ მათ მიმართ ვინც ჩვენ გვგავს, არამედ პირველ რიგში მათ მიმართ, ვინც ჩვენგან განსხვავდება", - წერს ახალგაზრდა მწერალი.
