31
მარტიდღის ზოგადი ასტროლოგიური პროგნოზი
საქართველოს ენერგეტიკის მინისტრის მოადგილის, ილია ელოშვილის განცხადებით, დარიალის ხეობაში მეწყერის ჩამოწოლის მიზეზი "ლარსი ჰესის" მშენებლობა არ ყოფილა.
ამასთან, როგორც ელოშვილმა "ინტერპრესნიუსს" განუცხადა, მთის მასა "ლარსი ჰესის" მიდამოებში მოწყდა, თუმცა ჰესი მნიშვნელოვნად არ დაზიანებულა.
მისივე ინფორმაციით, ჰესის ტერიტორიაზე მეწყერის მხოლოდ მცირე რაოდენობის ნაშალია.
ენერგეტიკის მინისტრის მოადგილე ამბობს, რომ სპეციალისტები შემთხვევის ადგილას ვერტმფრენებით უკვე გაემგზავრნენ და მეწყერის ჩამოშლის მიზეზებს შეისწავლიან.
შემთხვევა დარიალის ხეობაში დღეს მოხდა. მთის მასა საქართველო-რუსეთის საზღვართან ახლოს, ლარსი ჰესის მიმდებარე ტერიტორიაზე მოწყდა.
ამასთან, ვრცელდება ინფორმაცია, რომ დაღუპულია სამი თურქი მუშა, რომლებიც ჰესის მშენებლობაზე მუშაობდნენ.
დაბა ყაზბეგში "ლარსი ჰესი" ოფიციალურად მიმდნარე წლის 24 იანვარს გაიხსნა, ჰესის გახსნას დაესწრნენ ენერგეტიკის მინისტრი კახი კალაძე, ფინანსთა მინისტრი ნოდარ ხადური და რეგიონული განვითარებისა და ინფრასტრუქტურის მინისტრი დავით ნარმანია.
