სამინისტროებმა პრემიის სახით ჯამში 5 729 131 ლარი, ხოლო სახელფასო დანამატის სახით 3 135 038 ლარი გასცეს

2013 წელს 14 სამინისტროს მიერ თანამდებობის პირებზე პრემიის სახით საერთო ჯამში 5 729 131 ლარი, ხოლო სახელფასო დანამატის სახით 3 135 038 ლარი გაიცა. აღნიშნულ მონაცემებს ინფორმაციის თავისუფლების განვითარების ინსტიტუტი სამინისტროების მონაცემებზე დაყრდნობით ავრცელებს.

კერძოდ 2013 წელს თავდაცვის სამინისტრომ 108 თანამდებობის პირზე ჯამურად 1 325 776 ლარის ოდენობის პრემია და სახელფასო დანამატი გასცა, საგარეო საქმეთა სამინისტრომ - 1 182 251 ლარის ოდენობის, იუსტიციის სამინისტრომ 44 პირზე - 1 070 738 ლარი, ეკონომიკის სამინისტრომ - 1 086 648 ლარი, ფინანსთა სამინისტრომ 824 184 ლარი, რეგიონული განვითარებისა და ინფრასტრუქტურის სამინისტრომ 46 პირზე - 715 686 ლარი, ჯანდაცვის სამინისტრომ - 498 950 ლარი, ენერგეტიკის სამინისტრომ 17 თანამდებობის პირზე - 452 250 ლარი, სასჯელაღსრულების სამინისტრომ 26 პირზე - 420 817 ლარი, სოფლის მეურნეობის სამინისტრომ 17 პირზე - 343 198 ლარი, სპორტისა და ახალგაზრდობის საქმეთა სამინისტრომ 18 პირზე - 303 775 ლარი, დევნილთა სამინისტრომ 40 პირზე - 258 928 ლარი, განათლებისა და მეცნიერების სამინისტრომ 23 პირზე - 195 570 ლარი, კულტურის და ძეგლთა დაცვის სამინისტრომ 5 პირზე - 185 398 ლარი.

"ინტერპრესნიუსი"