მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გემების სასაფლაო - წყლის გიგანტების უკანასკნელი განსასვენებელი
07:49 / 14-05-2014
დიდი გემების (ტანკერები, კონტეინერმზიდები, მშრალტვირთმზიდები) "სასიცოცხლო პერიოდი" საშუალოდ 25-30 წელიწადია. ამ დროის ამოწურვის შემდეგ, საოკეანო გიგანტების ჩამოწერის პროცედურა იწყება. გაზრდილი სადაზღვევო და საექსპლუატაციო ხარჯები, "ასაკოვანი" გემების შენახვას წამგებიანს ხდის. ამიერიდან მათი ფასეულობა მხოლოდ ფოლადის კორპუსებში ინახება.
განვითარებულ ქვეყნებში, გემების უტილიზაცია მკაცრადაა რეგლამენტირებული და ეკოლოგიის დაცვიდან გამომდინარე, დიდ ხარჯებთანაა დაკავშრებული. ამიტომაც მსგავს შავ სამუშაოს ძირითადად ბენგლადეში, ინდოეთი და პაკისტანი ასრულებს. აქ იაფი მუშახელია და ეკოლოგიის შენარჩუნებაზეც ფიქრით თავს არავინ იწუხებს.
დღეისთვის, საოკეანო გიგანტების მსოფლიოში ყველაზე დიდი სასაფლაო ბენგლადეშში, ჩიტაგონგეში მდებარეობს. გემების საერთო რაოდენობის 50%-ს ჯართზე სწორედ აქ ჭრიან. ყოველ კვირა აქ 3-5 ახალი გემი მოდის. პროცედურა საკმაოდ მარტივია. საერთაშორისო ბროკერები აუქციონებზე ჩამოწერილ და ნახმარ გემებს ყიდულობენ. დანიშნულების ადგილზე ტრანსპორტირებისთვის დროებით ეკიპაჟსა და კაპიტანს ქირაობენ. გემები ნაპირამდე საკუთარი სვლით მოდიან და სანაპირო ქვიშაში ეფლობიან.
ამის შემდეგ გემებიდან იღებენ ყველა სახის სითხეს - დიზელის საწვავის, ძრავების ზეთებს, ხანძარსაწინააღმდეგო სითხეებს. ფოლადის გიგანტების უტილიზაცია სწორედ ამის შემდეგ იწყება. ჩიტაგონგეში არსებულ 100-მდე ვერფზე, ამ საქმით 80,000-ზე მეტი ადამიანია დასაქმებული. მათი ყოველდღიური ხელფასი 1,5-3 დოლარია. სამუშაო დღე 12-14 სთ-ს გრძელდება. ამავდროულად ჩიტაგონგე მსოფლიოში ერთ-ერთ ყველაზე ბინძურ ადგილად ითვლება.
გემების დაშლისას წარმოქმნილი ნარჩენები პირდაპირ სანაპირო ზოლზე რჩება. ქვიშა მაზუთით, დიზელის საწვავით, და სხვადასხვა ზეთებითაა გაჟღენთილი. აზბესტის დასაშვები კონცენტრაცია აქ ნორმას 120-ჯერ, ტყვიის კი - 320-ჯერ აღემატება. ჩიტაგონგეში გემების უტილიზაცია 1969 წლიდან დაიწყო. დღეს, ყოველწლიურად ამ ადგილას 180-250 გემს შლიან. მათი დაჭრა ყველაზე პრიმიტიული მეთოდებით - ავტოგენით და ფიზიკური ძალით წარმოებს.
ვერფებზე დასაქმებული 80,000 ადამიანიდან, დაახლოებით 10,000 ბავშვია, რომელთა ასაკიც 10-დან 14 წლამდე მერყეობს. ყველაზე დაბალანაზღაურებად კატეგორიას სწორედ ისინი მიეკუთვნებიან - დღეში 1,5 დოლარი. ყოველწლიურად გემების უტილიზაციას, ბენგლადეშში 50 ადამიანი ეწირება. დაახლოები 300-400 - ხეიბარი რჩება.
მოამზადა ნუკრი მგელაძემ ttolk.ru-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
