22
ივნისიდღის ზოგადი ასტროლოგიური პროგნოზი
ინტერნეტში ხშირად შეხვდებით მსოფლიო ლიდერების პიკანტურ ფოტოებს. ბევრი მათგანი ფოტოშოფია, ზოგი კი რეალური...
ყველაზე დიდი რეზონანსი წლების წინ გამოქვეყნებულ ანგელა მერკელის ახალგაზრდობის ფოტოს მოჰყვა, რომელშიც გერმანიის მომავალი კანცლერი მეგობარ გოგონებთან სანაპიროზე დედიშობილა დადის. შეიძლება ითქვას, რომ ფოტოს გამოქვეყნებამ ინტერნეტი "ააფეთქა".
მერკელის ფოტოსგან განსხვავებით ფოტოშოფით "გახადეს" და შემდეგ "ტანგა მოარგერს" კიდევ ერთ პოლიტიკოსს, იტალიის კონსტიტუციური რეფორმების მინისტრს, მარია ელენა ბოსჩის. იმის მიუხედავად, რომ ფოტომონტაჟი არც თუ ისე ოსტატურად იყო შესრულებული, ინტერნეტმომხმარებელი მაინც მოტყუვდა და რამდენიმე კვირის წინ სოციალურ ქსელებზე ერთგვარ ფოტოჰიტადაც იქცა...
ფოტოშარჟი:
ორიგინალი ფოტო:
ამჯერად ქართული ინტერნეტსივრცე კიდევ ერთი პოლიტიკოსის ფოტოჟარშმა მოიცვა, თუმცა, ამჯერად, ფოტომონტაჟის სამიზნე საქართველოს პრემიერ-მინისტრი, ირაკლი ღარიბაშვილი აღმოჩნდა.
თუ თქვენ სოციალური ქსელის, Facebook-ის აქტიური მომხმარებელი ხართ, დიდი შანსია, რომ ირაკლი ღარიბაშვილის პიკანტური ფოტოშარჟის ავტორის სხვა ნამუშევრებიც გქონდეთ ნანახი. ავტორი ნუგზარ მეტრეველია, რომელიც "ფოტოშოფის", კრეატიულობისა და პოლიტიკური მოტივების სინთეზით არაერთ საინტერესო პოლიტიკურ შარჟს ქმნის. მისი ინსპირატორი, მეტწილად ქვეყნის მთავრობის ლიდერები არიან, თუმცა აშკარაა, რომ ბოლო პერიოდში მისი მუზა ქვეყნის პრემიერ-მინისტრია.
