დავით დარჩიაშვილი ნინო შუბლაძეს ბრძოლის ველიდან გაქცეულ ჯარისკაცს ადარებს

"ნაციონალური მოძრაობის" ერთ-ერთი ლიდერი დავით დარჩიაშვილი "რუსთავი 2"-დან ნინო შუბლაძის წასვლას ეხმაურება და მას ბრძოლის ველიდან გაქცეულ ჯარისკაცს ადარებს.

"საბჭოთა ანეგდოტი გამახსენდა: ჯარისკაცი რომ სანგარს მიატოვებს სროლისას - სად მიდიხარო? მოხალისე ვარ და ხალისი დავკარგეო. პასუხი - ქალიაო, არ მიიღება, როგორც არაევროპული და ანტიგენდერული", - წერს დარჩიაშვილი.

ტელეკომპანია "რუსთავი 2"-ის გენერალური დირექტორის მოადგილე ნინო შუბლაძემ ტელეკომპანია დატოვა. შუბლაძემ გადაწყვეტილების მოტივად პირადი და ოჯახური მდგომარეობა დაასახელა.

იხილეთ ასევე: ნინო შუბლაძემ ტელეკომპანია "რუსთავი 2" დატოვა