მნიშვნელოვანი ინფორმაცია
6
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ირმა ნადირაშვილი - დაასახელონ მსოფლიოში კიდევ ერთი ქვეყანა, სადაც ოპოზიცია ხელისუფლებას უსმენს
07:47 / 12-05-2014
"ნაციონალური მოძრაობის" წევრი, დეპუტატი ირმა ნადირაშვილი "ქართულ ოცნებას" კითხვას უსვამს, დაასახელონ მსოფლიოში კიდევ ერთი ქვეყანა, სადაც ოპოზიცია ხელისუფლებას უსმენს.
ამის შესახებ ირმა ნადირაშვილმა ჟურნალისტებს შს მინისტრის, ალექსანდრე ჭიკაიძის განცხადების კომენტირებისას განუცხადა. როგორც ნადირაშვილმა აღნიშნა, ამ განცხადებებს არა მხოლოდ შინაგან საქმეთა სამინისტროში აკეთებენ, არამედ მთელი "ქართული ოცნების" კომენტარი ერთმანეთს ჰგავს და იდენტურია.
"ჩემი აზრით, ეს არის აბსოლუტურად არასერიოზული განცხადებები. თუკი ასეთი ტექნიკა იყო გატანილი, რატომ არ აღმოაჩინეს, უკვე ორი წელია ისინი ხელისუფლებაში არიან. დამისახელოს "ქართულმა ოცნებამ" მსოფლიოში კიდევ ერთი ქვეყანა, სადაც ოპიზიცია უსმენს ხელისუფლებას, თუ ჩვენ ამას ვაკეთებთ, ეს რას ამტკიცებს? მხოლოდ და მხოლოდ მათ უნიათობას, არაკომპეტენტურობას, მაგრამ ეს ყველაფერი არის სასაცილო", - განაცხადა ირმა ნადირაშვილმა.
მისივე თქმით, ეს ჩანაწერები "ქართული ოცნების" მთავრობის გაკეთებულია და ახლა აქვთ "უნიჭო მცდელობა" ამ სიტუაციიდან გამოძვრნენ.
შინაგან საქმეთა მინისტრის, ალექსანდრე ჭიკაიძის განცხადებით, არსებობს კუდ-ის თანამშრომლების ჩვენებები, რომ მოსასმენი აპარატურა "ერთ-ერთ ღამეს დატვირთეს და მოდულის შენობიდან გაიტანეს". როგორც ჭიკაიძემ აღნიშნულ საკითხზე კომენტირებისას ჟურნალისტებს განუცხადა, ეს შს უწყებაში ირაკლი ღარიბაშვილის მისვლამდე მოხდა.
"2012 წლის არჩევნების შემდგომ, როცა სამინისტროში ახალი ხელმძღვანელი მივიდა, ჩვენ აღვრიცხეთ სამინისტროს მფლობელობაში არსებული ტექნიკური თუ სხვა საშუალებები. აღმოჩნდა, რომ ფარული ხარჯებით შესყიდული იყო რამდენიმე მილიონი ტექნიკა, რომელიც ამ სამინისტროში ირაკლი ღარიბაშვილის შემოსვლამდე იქნა გატანილი. აღნიშნულზე გამოძიება ერთი წლის წინ დაიწყო, თუმცა რადგან ახლა აქტუალური გახდა, მასალები გადაეგზავნა პროკურატურას და მას ამჟამად სწორედ ეს უწყება იძიებს. მე ვადასტურებ იმ ფაქტს, რომ რამდენიმე პორტატული კომპიუტერი, რომლის მეშვეობითაც შეიძლებოდა გაკონტროლებულიყო ხმის მოსმენა ან ვიდეოთვალთვალი სამინისტროდან დაკარგულია. გამოძიებას უნდა დაველოდოთ და წინასწარ საუბარი არასერიოზული იქნება, მაგრამ მაშინ ამ ტექნიკის განკარგვა წინა მთავრობის წარმომადგენლებს შეეძლოთ და დამერწმუნეთ, გამვლელ პირებს არ შეეძლოთ, სამინისტროდან მისი გატანა. ე.ი. გამოდის, რომ ეს ტექნიკა შესაძლოა, იყოს გაშლილი იმ პირებში, რომლებიც ძველი მთავრობის წარმომადგენლები იყვნენ", - განაცხადა ალექსანდრე ჭიკაიძემ.
ამასთან, მისივე განმარტებით, სად არის აღნიშნული ტექნიკა, ამ ეტაპზე დადგენილი არ არის.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
