5
ივნისიდღის ზოგადი ასტროლოგიური პროგნოზი
მთაწმინდის მაჟორიტარობის კანდიდატს კოალიცია "ქართული ოცნებიდან", ჯაბა ჯიშკარიანს უმაღლესი განათლების დამადასტურებელი დიპლომი ჯერ არ აქვს, თუმცა აცხადებს, რომ "ძალიან მალე ექნება". ამის შესახებ Ambebi.ge-ს თავად ჯიშკარიანმა განუცხადა და განმარტა, თუ რატომ ვერ მოახერხა ამ დრომდე სწავლის დამთავრება.
საქმე ის არის, რომ 2006 წელს ის თბილისის სახელმწიფო უნივერსიტეტიდან გაცდენების გამო გარიცხეს, რისი მიზეზიც თავის მხრივ, ჯიშკარიანის პატიმრობა გახდა.
"თბილისის სახელმწიფო უნივერსიტეტში, ეკონომიკური ფინანსებისა და საბანკო საქმის სპეციალობით მაქვს დამთავრებული პირველი კურსი. 2006 წლის 28 ივნისს დამაკავეს სასამართლოს ეზოში, იმიტომ რომ, წინა დღეს გავმართე აქცია სანდრო გირგვლიანის საქმესთან დაკავშირებით. როდესაც უნივერსიტეტში წარვადგინე ჩემი პატიმრობის შესახებ შესაბამისი დოკუმენტი, ეს ყველაფერი საპატიო მიზეზად არ ჩამითვალეს, ამის გამო თანხის გადახდის უფლება აღარ მომცეს", - განაცხადა ჯაბა ჯიშკარიანმა.
თბილისის საკრებულოს მაჟორიტარი დეპუტატობის კანდიდატი ამჟამად საქართველოს ტექნიკურ უნივერსიტეტში სწავლობს.
"დღემდე ვაგრძელებ სწავლას ტექნიკურ უნივერსიტეტში ინფორმატიკისა და მართვით სისტემებზე და ძალიან მალე მე აუცილებლად მექნება დიპლომი", - დასძინა ჯიშკარიანმა.
ნინო ჩიჩუა, Ambebi.ge
